13.06.2018

бүгүнки түркийә гезитлиридә асасий салмақни игилигән хәвәрлиримизниң қисқичә мәзмунлири төвәндикичә:

13.06.2018

түркийә авази радийоси: "һөррийәт гезити", түркийә билән әзәрбәйҗан тәрипидин қурулуши үч йил давам қилған вә әзәрбәйҗан тәбиий газини түркийә арқилиқ йавропаға йәткүзидиған транс анадолу тәбиий газ туруба йоли танап (TANAP) ниң ишқа кириштүрүлгәнликини хәвәр қилди.

гезитниң хәвиридә, танапниң ечилиш мурасимида, түркийә җумһур рәиси рәҗәп таййип әрдоған, шималий қибрис түрк җумһурийити җумһур рәиси мустафа акинҗи, әзәрбәйҗан пирезиденти илһам әлийев, сербийә пирезиденти александар вуҗиҗ вә украина пирезиденти петро порошенколарниң қатнашқанлиқи билдүрүлди.

хәвәрдә, ечилиш мурасимда, җумһур рәис рәҗәп таййип әрдоғанниң: "бүгүн районимиз вә дөләтлиримиз үчүн тарихий қәдәм ташлимақтимиз" дегәнлики әскәртилди.

"хәбәр түрк гезити", түркийә баш министири бинали йилдиримниң измирдә булғарийә баш министири бойко борисов билән көрүшкәнликини хәвәр қилди.

хәвәрдә, баш министир бинали йилдиримниң: "түркийә йавропа иттипақиға әза болуш үчүн давамлиқ тиришиватиду, бирақ йавропа иттипақи кәлгүси нишанини бәлгиләп, бу җәһәттики мурәккәп һаләтни балдуррақ ахирлаштуруши керәк" дегәнлики қәйт қилинди.

"вәтән гезити", иқтисадқа мәсул муавин баш министир мәһмәт шимшәкниң түркийәниң америкадики алтуниниң һәммисиниң елинғанлиқини елан қилди.

хәвәрдә, мәһмәт шимшәкниң: "америкадики алтунниң һәммисини алдуқ, у йәрдә һечнимә қалмиди" дегәнлики қәйт қилинди.

"стар гезити", дунйадики әң чоң деңиз тирансипорт ширкити медитеранийанниң түркийәгә қатнаш башлиғанлиқини хәвәр қилди.

хәвәрдә, ширкәтниң директори дийего апонтениң: "дунйада наһайити аз санақлиқ дөләтләргила қатнайдиған, чоң һәҗимлик кантинирлиқ параиотлиримиз түркийәгә қатнайду" дегәнлики билдүрүлди.



مۇناسىۋەتلىك خەۋەرلەر