16.04.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

16.04.2018

türkiye awazi radiyosi: «<yéngi shepeq> géziti», erdoghan: pénsilwaniyediki (térrorluq teshkilati kattibéshi) senmu kélisen (dédi)» serlewhilik xewiride töwendiki uchurlarni oqurmenliri bilen ortaqlashti: jumhur reis rejep tayyip erdoghan, fethullahchi térrorluq teshkilati / parallél dölet qurulmisigha qarshi küreshning qetiy dawamlashturulidighanliqi toghrisida toxtaldi. u, partiyesining 6 – nöwetlik maltepe nahiyelik qurultiyidin ilgiri söz qilip, «hazirghiche 80 kishini chet eldin élip kelduq. pénsilwaniyediki (térrorluq teshkilati kattibéshi), qanchilik ong – solgha urulup baqsang baq, senmu kélisen.» dédi.

«<sabah> géziti», «yildirim: bek kéchikip qélishti (dédi)» serlewhilik xewiride töwendiki uchurlarni oqurmenliri bilen ortaqlashti: bash ministir binali yildirim, adalet we tereqqiyat partiyesining tuzla nahiyelik qurultiyida söz qilish jeryanida, amérika qoshma ishtatliri bashchiliqidiki küchlerning süriye hakimiyitige qarshi hawa herikiti toghrisida toxtilip, «gherb birdinla süriyelik bigunah (insan) larni ésige aldi. (bu) qatillargha kéchikip qayturulghan bir jawabtur» dédi.

«<hörriyet> géziti», «yastuq astidin 1335 kilo altun chiqti!» serlewhilik xewiride töwendiki uchurlarni oqurmenliri bilen ortaqlashti: iqtisadqa mesul bash ministir yardemchisi mehmet shimshek, «altun zayomigha xelqimiz ishendi we köngülshidi. ikkinchi qétimliq telep qobul qilish mezgilide 7100 adem 1335 kilogiram altunni yastuq astidin chiqirip, altun zayomi we altun merkezlik kiragha bérish sistémisigha yatquzdi» dédi.

«<weten> géziti», «stolténbérg ittipaqdashlarni türkiyeni téximu küchlük qollashqa chaqirdi» serlewhilik xewiride töwendiki uchurlarni oqurmenliri bilen ortaqlashti: shimaliy atlantik ehdi teshkilati – nato bash katipi yéns stolténbérg anadolu agéntliqigha bayanat bérip, türkiyening natogha nisbeten qimmetlik we istratégiyelik ehmiyetke ige bir ittipaqdash ikenlikini éytti. u, natoning türkiyeni küchlük derijide qollaydighanliqini bildürüp, «barliq ittipaqdashlarni türkiyeni téximu küchlük qollashqa chaqirimen» dédi.

«<xabertürk> géziti», «13 ming sayahetchi marmarisqa keldi» serlewhilik xewiride töwendiki uchurlarni oqurmenliri bilen ortaqlashti: mughlaning marmaris nahiyesi 2018 – yilliq sayahet musapisini süret bilen bashlidi. mushu künlerde 13 ming sayahetchi tetil ötküzüwatqan nahiyening su üzüsh orunliri we kochiliri janlinip ketti. témpératura 29 giradusqa chiqqan nahiyege barghan türkiyelik we chet ellik sayahetchiler déngizda köngül échishqimu sel qarimidi.


خەتكۈچ: uyghurche , radiyo , metbuat , gézit , türkiye

مۇناسىۋەتلىك خەۋەرلەر