16.04.2018

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

16.04.2018

түркийә авази радийоси: «<йеңи шәпәқ> гезити», әрдоған: пенсилванийәдики (террорлуқ тәшкилати каттибеши) сәнму келисән (деди)» сәрләвһилик хәвиридә төвәндики учурларни оқурмәнлири билән ортақлашти: җумһур рәис рәҗәп таййип әрдоған, фәтһуллаһчи террорлуқ тәшкилати / параллел дөләт қурулмисиға қарши күрәшниң қәтий давамлаштурулидиғанлиқи тоғрисида тохталди. у, партийәсиниң 6 – нөвәтлик малтәпә наһийәлик қурултийидин илгири сөз қилип, «һазирғичә 80 кишини чәт әлдин елип кәлдуқ. пенсилванийәдики (террорлуқ тәшкилати каттибеши), қанчилик оң – солға урулуп бақсаң бақ, сәнму келисән.» деди.

«<сабаһ> гезити», «йилдирим: бәк кечикип қелишти (деди)» сәрләвһилик хәвиридә төвәндики учурларни оқурмәнлири билән ортақлашти: баш министир бинали йилдирим, адаләт вә тәрәққийат партийәсиниң тузла наһийәлик қурултийида сөз қилиш җәрйанида, америка қошма иштатлири башчилиқидики күчләрниң сүрийә һакимийитигә қарши һава һәрикити тоғрисида тохтилип, «ғәрб бирдинла сүрийәлик бигунаһ (инсан) ларни есигә алди. (бу) қатилларға кечикип қайтурулған бир җавабтур» деди.

«<һөррийәт> гезити», «йастуқ астидин 1335 кило алтун чиқти!» сәрләвһилик хәвиридә төвәндики учурларни оқурмәнлири билән ортақлашти: иқтисадқа мәсул баш министир йардәмчиси мәһмәт шимшәк, «алтун зайомиға хәлқимиз ишәнди вә көңүлшиди. иккинчи қетимлиқ тәләп қобул қилиш мәзгилидә 7100 адәм 1335 килогирам алтунни йастуқ астидин чиқирип, алтун зайоми вә алтун мәркәзлик кираға бериш системисиға йатқузди» деди.

«<вәтән> гезити», «столтенберг иттипақдашларни түркийәни техиму күчлүк қоллашқа чақирди» сәрләвһилик хәвиридә төвәндики учурларни оқурмәнлири билән ортақлашти: шималий атлантик әһди тәшкилати – нато баш катипи йенс столтенберг анадолу агентлиқиға байанат берип, түркийәниң натоға нисбәтән қиммәтлик вә истратегийәлик әһмийәткә игә бир иттипақдаш икәнликини ейтти. у, натониң түркийәни күчлүк дәриҗидә қоллайдиғанлиқини билдүрүп, «барлиқ иттипақдашларни түркийәни техиму күчлүк қоллашқа чақиримән» деди.

«<хабәртүрк> гезити», «13 миң сайаһәтчи мармарисқа кәлди» сәрләвһилик хәвиридә төвәндики учурларни оқурмәнлири билән ортақлашти: муғланиң мармарис наһийәси 2018 – йиллиқ сайаһәт мусаписини сүрәт билән башлиди. мушу күнләрдә 13 миң сайаһәтчи тәтил өткүзүватқан наһийәниң су үзүш орунлири вә кочилири җанлинип кәтти. температура 29 гирадусқа чиққан наһийәгә барған түркийәлик вә чәт әллик сайаһәтчиләр деңизда көңүл ечишқиму сәл қаримиди.



مۇناسىۋەتلىك خەۋەرلەر