13.03.2018

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

13.03.2018

watan géziti «gérmaniyede yéngi qurulghan hökümettin ijabiy signallar»serlewhilik xewiride munu uchurlarni oqurmenliri bilen ortaqlashti: «gérmaniyede yéngi qurulghan hökümet türkiye toghrisida ijabiy bayanatlarni bérishke bashlidi, gérmaniyede xiristiyan démokratchilar birlik partiyesi, xiristiyan ijtimaiy birlik partiyesi we ijtimaiy démokratchilar partiyesi birleshme hökümet qurdi. gérmaniye bash minstiri angéla mérkél türkiye bilen yawropa ittipaqining muzakire ötküzüsh yolida izdinishi lazimliqini éytti, mérkél: türkiye bilen arimizdiki pikir oxshimasliqlirini téximu köpeytiwalsaq bolmaydu, shunga alaqe yolimiz ochuq bolushi lazim, chünki bizning bir-birimizge éhtiyajimiz bar, türkiye süriyediki urushtin qachqan musapirlargha büyük xizmetlerni qildi, 3 milyon musapirni kütti, bizmu türkiye bilen arimizdiki kélishimge riaye qilishimiz kérek, dédi.»

sitar géziti «türkiye mudapie sanaitide zor burulush »serlewhilik xewiride munu uchurlarni oqurmenliri bilen ortaqlashti: «doha xelqara déngiz mudapie yermenkisi qatarning paytexti dohadiki qatar memliketlik mejlis zalida bashlidi, yermenkining échilish murasimigha dölet mudapie ministiri nurettin janikli, armiye bash qomandanliq ishtabi bashliqi général hulusi akar, mudapie sanaiti bashqarmisi bashliqi ismail demir ishtirak qildi. bu qétimqi yermenkige yene türkiye mudapie we awiatsiye sanaiti éksportchilar uyushmisi we 33 türkiye shirkiti qatnashti. türkiye shirketliri yermenkidin 2413 kwadrat métirliq jay ijrige aldi.»

xaber türk géziti «xelqaradiki déngiz sayahet shirketliri türkiyege yüzlendi»serlewhilik xewiride munu uchurlargha orun ajratti: «xelqaradiki déngiz sayahet shirketliri türkiyege yüzlendi. istanbul we marmara, ege, aq déngiz, qaradéngiz rayonliri déngiz sodisi uyushmisining izmirdiki shöbisining bildürüshiche, 5-marttin 8-martqiche bolghan ariliqta amérikining filorida ishtatida sétréd déngiz sayahiti yermenkisi ötküzülgen bolup, yermenkige xelqaradiki déngiz sayahet shirketliri qatnashqan. yermenkige qatnashqan chong shirketler 2019-yildin bashlap izmir we antaliyege yüzlinidighanliqlirini bildürgen.»

yéngi shepeq géziti «milliy kirédit derijige ayrish orgini qurulidu»serlewhilik xewiride munu uchurlarni oqurmenlirining diqqitige sundi: «xelqara kirédit derijige ayrish orgini modi <moody>ning ötken hepte türkiye iqtisadigha adil muamile qilmay töwen nomur qoyushi xelqara kirédit derijige ayrish organliri toghrisida her xil talash-tartishlarning kélip chiqishigha seweb boldi we bu organlarning ishenchilikige guman peyda qildi. türkiye bu ehwalgha qarita derhal heriketke ötti, türkiye bankichiliq ishliri we teptish idarisi teripidin bu yil kirédit derijige ayrish orgini qurulidighanliqi bildürüldi.»

sabah géziti «türkiye hawa yolliri<awiatsiye> shirkiti rékort yaratti »serlewhilik xewiride munu uchurlargha orun ajratti: «türkiye hawa yolliri<awiatsiye>  shirkitining bu yil féwraldiki yoluchi sani bulturqining oxshash mezgilige sélishturghanda %26 éship 5 milyon 100ming yoluchigha yetti. türkiye hawa yolliri shirkiti tarixida tunji qétim féwral éyida 5 milyon yoluchigha mulazimet qildi.»


خەتكۈچ: moody , türkiye metbuatliri

مۇناسىۋەتلىك خەۋەرلەر