08.03.2018

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

08.03.2018

türkiye awazi radiyosi: «sabah géziti», dölitimiz jumhur reisi rejep tayyip erdoghanning iran pirézidénti hesen ruhani bilen téléfonda körüshüp, sherqiy ghute qatarliq süriyening nöwettiki weziyitini muzakire qilghanliqini xewer qildi.

gézitning xewiride, ikki rehberning sherqiy ghutediki tiragédiyelerning axirlishishi üchün urush toxtitishni derhal emelge ashurush tirishchanliqlirini tézlitish üstide pikir birliki hasil qilghanliqi qeyt qilindi.

«star géziti», dölitimiz bash ministiri binali yildirim bilen shimaliy qibris türk jumhuriyiti bash ministiri tufan erhürmanning körüshüshidin kéyin, ortaq axbarat élan qilish yighini ötküzülgenlikini xewer qildi.

xewerde, bash ministir binali yildirimning, türkiyening shimaliy qibris türk jumhuriyitini dawamliq qollaydighanliqini eskertip, aqdéngzidiki tebiiy gaz burghilash heriketliri üstide toxtalghanliqi we: «ighwagerchilik heriketlirige jawab bérilidu» dégenliki bildürüldi.

«xeber tük géziti», rusiye pirézidénti wladimir putinning «2018-yilida dunya tertipi» namliq höjjetlik filimde söz qilghanda, türkiye bilen tüzülgen kélishimlerning paydiliq bolghanliqini éytqanliqini xewer qildi.

gézitning xewiride, pirézidént putinning, «rayon döletliri arisidiki munasiwetler qanchilik qiyin bolushidin qetiynezer, türkiye we iran bilen bir üstelde olturduq, bezi kélishimlerge kapalet qilghuchi döletler bolduq, bu kélishimler ishqa yaridi» dégenliki bildürüldi.

«xeber türk géziti», mughlaning bodrum nahiyeside ul séliniwatqan bir qurulushta, qiyaliq mazarlirining tépilghanliqini xewer qildi.

xewerde bildürülishiche, hélénistik yaki rim dewrige ait ikenliki perez qiliniwatqan bu qiyaliq mazarlirigha munasiwetlik éniq melumatlar tetqiqat xizmetliri axirlashqanda élan qilinidiken.

«weten géziti», türkiye armiyesining térrorluqqa qarshi herbiy heriketlerde körülidighan talapetni azaytish üchün «mashina esker» yasap tereqqiy qilduridighanliqini xewer qildi.


خەتكۈچ: weten , star , sherqiy ghute

مۇناسىۋەتلىك خەۋەرلەر