08.03.2018

бүгүнки түркийә гезитлиридә асасий салмақни игилигән хәвәрлиримизниң қисқичә мәзмунлири төвәндикичә:

08.03.2018

түркийә авази радийоси: «сабаһ гезити», дөлитимиз җумһур рәиси рәҗәп таййип әрдоғанниң иран пирезиденти һәсән руһани билән телефонда көрүшүп, шәрқий ғутә қатарлиқ сүрийәниң нөвәттики вәзийитини музакирә қилғанлиқини хәвәр қилди.

гезитниң хәвиридә, икки рәһбәрниң шәрқий ғутәдики тирагедийәләрниң ахирлишиши үчүн уруш тохтитишни дәрһал әмәлгә ашуруш тиришчанлиқлирини тезлитиш үстидә пикир бирлики һасил қилғанлиқи қәйт қилинди.

«стар гезити», дөлитимиз баш министири бинали йилдирим билән шималий қибрис түрк җумһурийити баш министири туфан әрһүрманниң көрүшүшидин кейин, ортақ ахбарат елан қилиш йиғини өткүзүлгәнликини хәвәр қилди.

хәвәрдә, баш министир бинали йилдиримниң, түркийәниң шималий қибрис түрк җумһурийитини давамлиқ қоллайдиғанлиқини әскәртип, ақдеңзидики тәбиий газ бурғилаш һәрикәтлири үстидә тохталғанлиқи вә: «иғвагәрчилик һәрикәтлиригә җаваб берилиду» дегәнлики билдүрүлди.

«хәбәр түк гезити», русийә пирезиденти владимир путинниң «2018-йилида дунйа тәртипи» намлиқ һөҗҗәтлик филимдә сөз қилғанда, түркийә билән түзүлгән келишимләрниң пайдилиқ болғанлиқини ейтқанлиқини хәвәр қилди.

гезитниң хәвиридә, пирезидент путинниң, «район дөләтлири арисидики мунасивәтләр қанчилик қийин болушидин қәтийнәзәр, түркийә вә иран билән бир үстәлдә олтурдуқ, бәзи келишимләргә капаләт қилғучи дөләтләр болдуқ, бу келишимләр ишқа йариди» дегәнлики билдүрүлди.

«хәбәр түрк гезити», муғланиң бодрум наһийәсидә ул селиниватқан бир қурулушта, қийалиқ мазарлириниң тепилғанлиқини хәвәр қилди.

хәвәрдә билдүрүлишичә, һеленистик йаки рим дәвригә аит икәнлики пәрәз қилиниватқан бу қийалиқ мазарлириға мунасивәтлик ениқ мәлуматлар тәтқиқат хизмәтлири ахирлашқанда елан қилинидикән.

«вәтән гезити», түркийә армийәсиниң террорлуққа қарши һәрбий һәрикәтләрдә көрүлидиған талапәтни азайтиш үчүн «машина әскәр» йасап тәрәққий қилдуридиғанлиқини хәвәр қилди.



مۇناسىۋەتلىك خەۋەرلەر