06.03.2018

sitar géziti «térrorluq teshkilati p k k ning aq déngiz xiyali sugha chilashti»serlewhilik xewiride munu uchurlarni oqurmenlirining diqqitige sundi: «türkiye armiyesi bölgünchi térrorluq teshkilati p k k ning süriyediki gumashtisi p y d –y p g teripidin ishghal qilinghan afrinning raju rayonini qayturup aldi. shuning bilen rayonida nurghun esker, saqchi we ammini qetl qilghan térrorluq teshkilati p k k  ning hatayning amanos taghliri arqiliq aq déngizgha ötüsh xiyali sugha chilashti. afrin rayoni térrorluq teshkilati p y d- y p g ning changgiligha chüshüp ketkendin kéyin térrorchilar yaz aylirida türkiyening hatay wilayitige qarashliq yéza-qishlaqlargha hujum qilip turatti, qish aylirida bolsa süriyening raju, sheyx hadid we bulbul rayonlirigha qaytip kétetti.»

watan géziti «ak kuyu yadro éléktir istansisi qurulushi aprélda bashlinidu»serlewhilik xewiride oqurmenliri bilen munu uchurlarni ortaqlashti: «rusiye döletlik yadro énérgiyesi idarisi <rosatom>bashliqi alékséy lixachéw türkiyening mersin wilayitide aprélda ak kuyu yadro éléktir istanisisi qurulushining bashlinidighanliqini uqturdi. türkiyening tunji yadro éléktir istansisi bolidighan we 20 milyard dollar chiqim kétishi texmin qiliniwatqan ak kuyu yadro éléktir istansisi qurulushi üchün bultur öktebirdin bashlap cheklik derijide ishleshke ruxset qilinghanidi. bildürülüshiche,  4 réaktordin teshkil tapidighan ak kuyu yadro éléktir istansisining tunji sistémisi 2023-yili, bashqa sistémilar bolsa bir yil ötkendin kéyin ishqa kirishtürülidiken.»

haber türk géziti «rusiyege méwe-chiwe we köktat éksport qilish nishani chong»serlewhilik xewiride munu uchurlargha orun ajratti: «rusiyening much, pédigen, anar, kawa we osung qatarliq köktatlarning import qilinishigha qoyghan cheklimisini bikar qilishi türkiyediki méwe-chiwe we köktat éksportchilirini söyündürdi. türkiyening 2018-yilning deslepki 2 éyida  rusiyege qilghan méwe-chiwe we köktat éksporti bulturqining oxshash mezgilige sélishturghanda %65 éship 66 milyon dollardin 109 milyon dollargha yetti. türkiye rusiyege 2014-yili 938 milyon , 2015-yili 877 milyon , 2016-yili 331 milyon we 2017-yili 638 milyon dollarliq méwe-chiwe we köktay éksport qilghanidi. »

yéngi shepeq géziti «irandin 100 ming kishi türkiyege sayahetke kélidu»serlewhilik xewiride munu uchurlarni oqurmenliri bilen ortaqlashti: «türkiyening qoshna döletler bilen bolghan munasiwetni kücheytish xizmetliri we türkiyeni tonushturush paaliyetlirining netijiside iranliq sayahetchiler dölitidiki sayahet mezgilliridin paydilinip wan wilayitige kélishke teyyarlanmaqta. hazirdin bashlapla wandiki %80 méhmanxanilarning tolup ketkenliki bildürüldi. wanliq tijaretchiler <wan soda-sétiq künliri> féstiwalida iranliq sayahetchilerni kütüwélishqa teyyarlanmaqta, iranda noruz bayrimi 18-martta bashlinip jemiy 13 kün dawamlishidu.»

sabah géziti «türkiye  meblegh sharaiti eng yaxshi bolghan döletlerdin biri»serlewhilik xewiride munu uchurlargha orun ajratti: «dunya bankisi muhit, sélinma, tebiiy bayliqlar, talla bazarliri, téxnologiye we marka qatarliqlar üstide tekshürüsh élip bérip 2018-yilida meblegh sélish eng muwapiq bolghan döletler tizimlikini békitip chiqti. türkiyemu kirgüzülgen tizimlikte, türkiye yawropa döletlirini keynide qaldurdi. »