13.02.2017

bügünki türkiye gézitliride asasiy salmaqni igiligen xewerlirimizning qisqiche mezmunliri töwendikiche:

13.02.2017

türkiye awazi radiyosi: «star géziti», dölitimiz bash ministiri binali yildirimning türkiyede resmiy dölet ishliri ziyaritide bolghan makédoniye bash ministiri zoran zaéw bilen ortaq axbarat élan qilish yighini ötküzgenlikini xewer qildi.

gézitning xewiride, bash ministir binali yildirimning «zeytun shéxi herbiy herikiti» toghrisida toxtilip: «eger türkiye bu yerlerge ige chiqmisa, yawropa hem musapirlar kirizisi hemde térrorluq dolqunining tesiride chong bedel töleydu. nahayiti epsuski buning yawropa ittipaqi teripidin yéterlik derijide bilinelmigenlikini, teqdirleshke érishelmigenlikini körüwatimiz» dégenliki qeyt qilindi.

«xeber türk géziti», muawin bash ministir hakan chawushoghluning, «amérikaning qilghini munasiwetlerni üzidighan sewiyediki pozitsiyedur» dégenlikini xewer qildi.

xewerde, muawin bash ministir hakan chawushoghluning t r t de küntertip mesililiri toghrisida bayanat élan qilip, amérika dölet mudapie ministirliqi (besh burjeklik bina, péntagon) ning 2019-yilliq xamchot pilanida, «süriye démokratik küchler» dégen namni qollanghan térrorluq teshkilati p y d, p k k ni terbiyelep, qorallandurush üchün 300 milyon dollar, teshkilatning qurdurulghan chégra bixeterlik küchi üchün 250 milyon dollar ajratqanliqini eyibligenliki bildürüldi.

xewerde qeyt qilinishiche, muawin bash ministir hakan chawushoghlu: «amérika bu pozitsiyesini dawamlashturghan ehwalda ikki döletning biz bilidighan munasiwetliri üzülüsh sewiyesige élip kélidu» dégen.

«yéngi shepeq géziti», türkiye tashqi ishlar ministiri mewlüt chawushoghluning amérika tashqi ishlar ministiri réks tillérsonning enqere ziyaritidin burun intayin muhim bayanatlarni élan qilghanliqini xewer qildi.

xewerde, mewlüt chawushoghluning amérikaning wediside turmighanliqini bildürüp: «ya ongshilidu, yaki pütünley buzulidu» dégenliki qeyt qilindi.

«weten géziti», «yene bir dölet türkiyedin tik uchar sétiwalidu» serlewhiside xewer élan qildi.

xewerde, filippin dölet mudapie ministiri délfin lorénzananing tik uchar sétiwélish üchün türkiye, jenubiy koréye we xitay bilen kélishim tüzüshni oylishiwatqanliqlirini éytqanliqi bildürüldi.


خەتكۈچ: star , weten géziti

مۇناسىۋەتلىك خەۋەرلەر