13.02.2017

бүгүнки түркийә гезитлиридә асасий салмақни игилигән хәвәрлиримизниң қисқичә мәзмунлири төвәндикичә:

13.02.2017

түркийә авази радийоси: «стар гезити», дөлитимиз баш министири бинали йилдиримниң түркийәдә рәсмий дөләт ишлири зийаритидә болған македонийә баш министири зоран заев билән ортақ ахбарат елан қилиш йиғини өткүзгәнликини хәвәр қилди.

гезитниң хәвиридә, баш министир бинали йилдиримниң «зәйтун шехи һәрбий һәрикити» тоғрисида тохтилип: «әгәр түркийә бу йәрләргә игә чиқмиса, йавропа һәм мусапирлар киризиси һәмдә террорлуқ долқуниниң тәсиридә чоң бәдәл төләйду. наһайити әпсуски буниң йавропа иттипақи тәрипидин йетәрлик дәриҗидә билинәлмигәнликини, тәқдирләшкә еришәлмигәнликини көрүватимиз» дегәнлики қәйт қилинди.

«хәбәр түрк гезити», муавин баш министир һакан чавушоғлуниң, «американиң қилғини мунасивәтләрни үзидиған сәвийәдики позитсийәдур» дегәнликини хәвәр қилди.

хәвәрдә, муавин баш министир һакан чавушоғлуниң т р т дә күнтәртип мәсилилири тоғрисида байанат елан қилип, америка дөләт мудапиә министирлиқи (бәш бурҗәклик бина, пентагон) ниң 2019-йиллиқ хамчот пиланида, «сүрийә демократик күчләр» дегән намни қолланған террорлуқ тәшкилати п й д, п к к ни тәрбийәләп, қоралландуруш үчүн 300 милйон доллар, тәшкилатниң қурдурулған чегра бихәтәрлик күчи үчүн 250 милйон доллар аҗратқанлиқини әйиблигәнлики билдүрүлди.

хәвәрдә қәйт қилинишичә, муавин баш министир һакан чавушоғлу: «америка бу позитсийәсини давамлаштурған әһвалда икки дөләтниң биз билидиған мунасивәтлири үзүлүш сәвийәсигә елип келиду» дегән.

«йеңи шәпәқ гезити», түркийә ташқи ишлар министири мәвлүт чавушоғлуниң америка ташқи ишлар министири рекс тиллерсонниң әнқәрә зийаритидин бурун интайин муһим байанатларни елан қилғанлиқини хәвәр қилди.

хәвәрдә, мәвлүт чавушоғлуниң американиң вәдисидә турмиғанлиқини билдүрүп: «йа оңшилиду, йаки пүтүнләй бузулиду» дегәнлики қәйт қилинди.

«вәтән гезити», «йәнә бир дөләт түркийәдин тик учар сетивалиду» сәрләвһисидә хәвәр елан қилди.

хәвәрдә, филиппин дөләт мудапиә министири делфин лорензананиң тик учар сетивелиш үчүн түркийә, җәнубий корейә вә хитай билән келишим түзүшни ойлишиватқанлиқлирини ейтқанлиқи билдүрүлди.



مۇناسىۋەتلىك خەۋەرلەر