түркийә мәтбуатлирида бүгүн 12.01.2018

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

түркийә мәтбуатлирида бүгүн 12.01.2018

хәбәр түрк гезити, «әрдоған: <шималий сүрийәдә дөләт қурушни халайдиғанлар тирнақ чишләп қалиду> деди» сәрләвһилик хәвиридә мунуларни оқумәнлириниң диққитигә сунди:

җумһур рәис рәҗәп таййип әрдоған җумһур рәсилик сарийида өткүзүлгән 43 – нөвәтлик мәһәллә комитет башлиқлири йиғинида нутуқ сөзлиди. 

әрдоған сүрийәниң шималидики өзгиришләр үстидә тохтилип, «һазир шималий сүрийәдә террорлуқ каридори шәкилләндүрүшни халаватқанлар барғу! әслидә у йәрләр даим миллий территорийәмизниң даирисидә иди. бизниң бу сәзгүрликимизни унтумаңлар! шуңа у йәрләрдә башқа бир дөләт қуруш дегәндәк болмиғур йолларға кирмәкчи болғанлар чоқум тирнақ чишлишип қалиду» деди.  

сабаһ гезити, «әрдоған маркел билән көрүшиду» сәрләвһилик хәвиридә мунуларни ортақлашти:

ташқи ишлар министири мәвлүт чавушоғлу, җумһур рәис рәҗәп таййип әрдоғанниң германийәдә йеңи һөкүмәт қурулғандин кейин, баш министир маркел билән көрүшүшни халиғанлиқини ейтти. чавушоғлу анталйада германийәлик мухбирларниң соаллириға җавап берип, җумһур рәис әрдоғанниң баш министир маркелни түркийәгә тәклип қилидиғанлиқини вә өзиниңму гирманийәдә зийарәттә болидиғанлиқини билдүрди. 

ситар гезити, «йавропа иттипақи: <түркийә билән болған мунасвәтләрни йахшилишимиз лазим> деди» сәрләвһилик хәвиридә муну учурларға орун аҗратти:

булғарийә баш министири бойко борисов йавропа иттипақи кеңишиниң 6 айлиқ нөвәтчи рәислики мәзгилидә түркийә билән болған мунасивәтләрни йахшилаш үчүн қаттиқ тиришчанлиқ кـөрситишни тәләп қилғанлиқини билдүрүп, «йавропа иттипақиниң түркийә билән болған мунасивәтләрни йахшилиши вә буниң үчүн чоң тишчанлиқ көрситиши керәк» деди.

бойко борисов түркийәниң асаслиқ көп әзаси йавропа әллиридин тәшкил тапқан шималий атлантик әһди тәшкилати (нато)ниң әзаси болуш сүпити билән интайин муһим икәнликини шундақла оттура шәрқтин көчмән еқиминиң алдини елишта ачқучлуқ рол ойниғанлиқини тәкитлиди.

һөррийәт гезити, «%88 лик қисми тамамланди. мусапә әслидики 9 саәттин 3.5 саәткә чүшиду» сәрләвһилик хәвиридә, мунуларни йазди:

истанбул билән измир оттурисидики гәбзә – орханғази – измир тез сүрәтлик қатнаш йоли қорулушиниң % 88  қисми тамамланди. бу лайиһә даирисидики 36 көврүк қурулушидин гәбзә – бурса арсида 12, сусурлук – балиқәсир – қириқағач  арасида 3, камалпаша - измир арисида 2 болуп, җәмий 17 көврүкниң қурулуши путти. лайиһә пүткәндә 36 көвүрк, 3 тонел, 25 йол өтүшмиси, 6 йол ремонт қилиш мәркизи, 3  тонел ремонт қилиш мәркизи тәң мулазимәт башлайду. 

йеңи шәпәқ гезити, «ушакта йеңи бир һашарат түри байқалди» сәрләвһлик хәвиридә муну учурларни оқурмәнлириниң диққитигә сунди.

ушакта йеза игилики алий инженейири әрдал зәнгин тәтқиқатлири аснасида қуруп қойған һашарат тутуш тозиқидин йеңи бир һашаратни байқиди.  1.88 миллиметир чоңлуқтики сериқ рәңлик, қизил көзлүк бу һашаратқа ушак наһийәсигә мәнсуп қилған һалда, «Megastigmus usakensis» дәп исим қойулди. әрдал зәнгин һайатида тунчи қетим көргән бу һашаратниң рәсимини тартип, һашаратшунаслиқ саһәсидә 45 йилдин буйан хизмәт көрситип келиватқан пирофессор доктор миқтат доғанларға әвәтти. тәкшүрүш нәтиҗисидә униң техичә көрүлүп бақмиған йеңи бир һашарат түри икәнлики оттуриға чиқти.  



مۇناسىۋەتلىك خەۋەرلەر