20.11.2017

türkiye awazi radiyosi: «<sabah> géziti», «mesile men emes, nishan türkiye» serlewhilik xewiride töwendiki uchurlarni oqurmenliri bilen ortaqlashti: jumhur reis erdoghan partiyesining bayburt yépiq tenterbiye zalida ötküzülgen 6 – nöwetlik wilayetlik qurultiyida söz qilip, nato manéwirida hem türkiye jumhuriyitimizning qurghuchisi ghazi mustapa kemal atatürkni hemde méni nishan taxtisigha orunlashturup, setchilik peyda qilishti. hazirghiche bizge qilinghan hujumlarni xushalliqlirini yoshuralmighan halette qizghin qarshi alghuchilarning, ishning ichige atatürkningmu qoshulghanliqini körüp mesilining heqiqiy mahiyitini chüshengen bolushini ümid qilimen. emdi hemmimiz nahayiti yaxshi bilimizki, mesile shexs mesilisi emestur, partiye mesilisi emestur. (hujum) nishan (i) türkiyedur, türk millitidur» dédi.

«<hörriyet> géziti», «türkiyedin natogha özrixahliq jawabi» serlewhilik xewiride töwendiki uchurlarni oqurmenliri bilen ortaqlashti: yawropa ittipaqi ishliri ministiri we bash muzakirichi ömer chelik, nato manéwiridiki «atatürk we erdoghan düshmenliki» setchiliki toghrisida toxtilip, «fethullahchi térrorluq teshkilati / parallél dölet qurulmisi bar – yoqini türkiyege ziyan sélish, türkiyede bir qatar selbiy haletlerni shekillendürüshke serp qilmaqta. bu (nato manéwiridiki «atatürk we erdoghan düshmenliki» setchiliki) ularning métodigha bekla oxshaydu.» dédi. chelik, kanadada ötküzülgen 9 – nöwetlik halifaks xelqara xewpsizlik munbiride söz qilip, türkiye jumhuriyitining qurghuchisi mustapa kemal atatürk bilen jumhur reis rejep tayyip erdoghangha qilinghan bu hörmetsizlikning qetiy qobul qilinmaydighanliqi we kechürülmeydighanliqi jawabining bérilgenlikini eskertti.

«<weten> géziti», «üch dölet süriye toghrisida kélishti» serlewhilik xewiride töwendiki uchurlarni oqurmenliri bilen ortaqlashti: «süriyede 5 yildin artuq waqittin buyan dawamlishiwatqan ichki urushqa üzül – késil chare tépish meqsitide türkiye, iran we rusiye rehberliri 22 – noyabirda sochida körüshidu. bu uchrishishtin ilgiri mezkur 3 döletning tashqi ishlar ministirliri antalyada körüshti. tereplerning barliq mesililerde birdeklik hasil qilghanliqi bildürüldi.

«<star> géziti», «déngizgha sélinghan ikkinchi ayrodurumda yéngi rékort» serlewhilik xewiride töwendiki uchurlarni oqurmenliri bilen ortaqlashti: «qatnash, déngizchiliq we uchur – alaqe ishliri ministiri ehmet arslan, türkiyening ikkinchi, dunyaning üchinchi déngizgha sélinghan rize – artwin ayrodurumining 8 – 10 métir téximu chongqurluqqa sélinidighanliqini, buning yéngi bir rékort ikenlikini bildürdi. qurulushi dawamlishiwatqan ayrodurumni közdin kechürgen arslan bayanat bérip, ayrodurumning türkiyening muhim qurulushlirining biri ikenlikini, 390 métirliq waqitliq dolqun tosush dambisining sélinghanliqini, qurulush pütkendin kéyin buning élip tashlinidighanliqini éytti.

«<xabertürk> géziti», «altun epsaniwi (qehriman) gha kümüsh köz yashliri» serlewhilik xewiride töwendiki uchurlarni oqurmenliri bilen ortaqlashti: éghirliq kötürüshning tillargha dastan mahiri naim süleymanoghluni on minglar (che kishi) uzitip qoydi. istanbul fatih jamesidiki jinaza namizigha bash ministir binali yildirimmu qatnashti. naimning girétsiyelik menggülük reqibi walérios léonidismu namazgha keldi. u, «naimgha oxshash bir katta chémpiyon bilen élishish istiki sayisida olimpik we dunya ikkinchilikini qolgha keltürdüm» dédi.