12.09.2016

bügünki türkiye gézitliride asasiy salmaqni igiligen xewerler töwendikiche:

12.09.2016

türkiye awazi radiyosi: «yéngi shepeq géziti», dölitimiz jumhur reisi rejep tayyip erdoghanning qazaqsitandin qaytish sepiride küntertiptiki mesililer toghrisida toxtalghanliqini xewer qildi.

gézitning xewiride, jumhur reis rejep tayyip erdoghanning, «bolupmu, idlib toghrisida mundaq démekchimen: 14-séntebir ötküzülidighan astana yighini muhim ehmiyetke ige. hazir idlibte rusiye bilen kélishkinimiz boyiche ish qiliwatimiz, ishlar shu boyiche boluwatdu. rusiye bilen otturimizda ixtilap peyda qilidighan héchqandaq mesile yoq. iran bilen söhbetlirimizdimu ixtilap peyda qilidighan héchqandaq mesile körülmidi. astana yighinidin kéyin bashlinidighan özara uchrishishlarni mushu boyiche dawam qilidu, dep oylaymen, weziyet ijabiy yönülüshte ilgirilewatidu» dégenliki bildürüldi.

«star géziti», jumhur reis rejep tayyip erdoghanning bashchiliq qilishi bilen, arakangha keng kölemde yardem qilish seperwerlik paaliyitining bashlanghanliqini xewer qildi.

gézitning xewiride, muawin bash ministir rejep akdaghning bangladishning mesul dairiliri bilen bu dölette panahlanghan arakan musulmanlirigha uzun muddetlik we izchil yardem qilinishi üchün söhbet bashlighanliqi bildürüldi.

xewerde, rejep akdaghning, «türk xelqining mertlerche qilghan yardimi bilen toplighan iqtisad arqiliq arakanliq qérindashlirimizgha yardem qolimizni yene bir qétim uzitimiz. türkiye bundaq ishlarda insaniyetning wijdanigha aylandi we dawamliq mushundaq bolidu. bu bizning étiqadimizning we mewjud bolushimizning zörür shertidur» dep éytqanliqi eskertildi.

xewerde bildürülishiche, seperwerlik paaliti daireside bir intérnét tor béti échilghan bolup, yardem qilmaqchi bolghanlar www.arakanasahipcik.org adrésidin pul eweteleydiken.

«hörriyet géziti», «bir engliyelikning neziride sinop» serlewhiside xewer élan qildi.

gézitning xewiride körsitilishiche, b b s (BBC) ning yazghuchiliridin biri bolghan joshua alén türkiyening «jimjit shehiri» dep tallanghan sinopqa bérishni arzu qilip kelgen bolup, axiri sinopqa qarap yolgha chiqqan. u sinopni türkiyening «eng xushal shehiri» ge aylandurghan seweblerni bilishke qiziqqan. u sinop toghrisida toxtalghanda, «yunan peylasopi diyozhén sinopta tughulghan iken, diyozhén kishilerge érishkenliri bilen xushal bolush kéreklikini éytqan iken, sinopmu bu chaqiriqqa boysunuptu» dégen.

u sinopning tebiiy menziresidin tolimu sihirlengenlikini, sinop kichik sheher bolghanliqi üchün kishilerning bir-birini tonuydighanliqini we kishiler arisidiki bir-birige bolghan hörmetning hökümran ikenlikini, shunga xatirjemlikke tolghan muhitning shekillengenlikini tekitlep, jemiyettiki özara inaqliqni alahide tekitligen.

«sabah géziti», 16-nöwetlik «Cityscape Global » yermenkiside dubeyde öy-zémin ishliri bilen shughullinidighan shirketlerge tunji qétim  öy-zémin sétish hoquqining bérilgenlikini xewer qildi.

xewerde, dubeyde öy-zémin bazirini janlandurush üchün bundaq ijazetning bérilgenliki bildürüldi.

yermenkide élan qilinghan sanliq melumatlar ereb birleshme xelipilikining öy-zémin sahesige munasiwetlik diqqet qozghaydighan sanlarni ashkarilghan. buninggha asaslanghanda, ereb birleshme xelipilikide qurulushi dawam qiliwatqan we qimmiti 227.9 milyard dollarliq 7 ming 878 öy-zémin layihesi bar iken. dubeydiki 2 ming 812 layihening qimmiti bolsa 121.1 milyard dollar iken. layhelerge nisbeten telepning köp bolmasliqi öy-zémin sétishqa tayanghan dölet iqtisadida qiyinchiliq peyda qilghan.


خەتكۈچ: weten , yéngi shepeq , sabah

مۇناسىۋەتلىك خەۋەرلەر