15.07.2014

türkiye awazi radiyosi xewiri:  yéngi shepeq géziti, «jehennem pilani» serlewhilik xewiride, ghezzege bir heptidin buyan ölüm yaghduriwatqan we her küni onlighan gunahsiz pelestin xelqini öltüriwatqan israiliyening, bu qétim bowaq, kéchik bala, ayal we yashanghanlarni ayrip olturmastin hemmeylenni öltürüshni nishan qilghan irqiy qirghinchiliq pilanini yolgha qoyghanliqini yazdi.
xewerde achliq, susiszliq we késelliklerni ewj alghuzush arqiliqmu ijtimaiy qirghinchiliq élip barmaqchi bolushqa teyyarliniwatqan israiliye eskerlirining qurughluq hujumini bashlashtin ilgiri, 1 milyon 700 ming pelestin xelqi yashaydighan ghezze shehirining su tazilash zawutliri, éléktir istansiliri we yünde su turubba sistémlirini nabut qilip tashlighanliqi, doxturxanilarda dorilar tügep ketkenliktin bimarlarning bir – birlep hayatidin ayriiliwatqanliqi, ghezze shehirining %75 ning éléktirsiz qarangghuluq ichide ikenliki qeyt qilindi.
sitar géziti, «yétimlarning sani 62 minggha yetti» serlewhilik xewiride demeshiq yétimlar jemiyiti ijraiye komitéti bashliqi abdullah dewrimning bayatlirigha alahide orun ajratti.
xewerde, abdullah dewrimning ichki urush dawamlishiwatqan süriyede yétimler sanining 62 minggha yetkenlikini éytqanli bildürüldi.
xeber türk géziti, «firansiye we türkiye otturisidiki munasiwet, bir ishiqi - muhebbet munasiwitidur» serlewhilik xewiride, firansiyening 14 - iyul dölet bayrimining türkiyedimu tebriklengenliki bildürüldi.
xewerde tebiklesh murasmining istanbul beyoghludiki firansiye sariyida bash konsol murél doménachning sahibxanliqida ötküzülgenliki, uning murasimda qilghan sözide, firansiye we türkiye otturisidiki munasiwetlerning yéqinqi bir qanche yil ichide ijabiy heriketlinishni barliqqa keltürgenlikini bildürüp, mushu ayning axirida parizhda ikki dölet otturisida, «hemkarliq, istratégiye we dairisi» témiliq yighin échlidighanliqi heqqide melumat bergenliki bildürüldi.
xewerde yene, bash konsol murél doménachning türkiye bilen qiransiye otturisidiki munasiwetlerni ishiqi - muhebbet munasiwitige oxshitip tilgha élishning téximu munasip bolidighanliqini éytqanliqi qeyt qilindi.
sabah géziti, «aptomobilning tekshürüsh - tetqiq qilish we tereqqiy qildürush bazisi bolimiz» serlewhilik xewiride, türkiye aptomubil qoshumche sanaiti sahesining yéqinqi 5 yilda 1350 xil modél we 250 din artuq patént chiqirishta utuqqa érishkenlikini yazdi.
xewerde, bu sahening dölet omumiy ékisport sodisidiki hessisining eslidikidin %14 yuqiri örligenliki we goya aptomubil sahesining géniratorigha aylanghanliqi qeyt qilindi.
milliyet géziti, «türkiyede intayin téz süret bilen tereqqiy qilishni xalaymiz» serlewhilik xewiride, türkiye bazirida téz tereqqiy qilishni xalaydighanliqini tilgha alghan "Pandora" türkiye tarmiqi mudiri anne kollening: «"Pandora" türkiyediki katta tereqqiyat yoshurun küchini körmekte. türkiye istémalchilirining yash bolushi we "Pandora"ningmu asan érishkili bolidighan munasip bahada mehsulat sunishi bazardiki eng muhim yoshurun tereqqiyat küchining namayendisi ikenlikidur» dégenliki qeyt qilindi.
hörriyet gézitining iqtisad sehipisidiki xeweride, donya boyiche 132 sheherde élip bérilghan bir tekshürüsh üstide toxtaldi.
xewerde bildürülishiche, tekshürüshlerning netijisige köre, istanbul pütün dunya boyiche eng téz tereqqiy qilghan sayahet sheherliri arisida alahide diqqetni tartqan. bu yil london we parizhdin qalsila istanbulning eng köp sayahetchini jelp qilghan sheherge aylinishi mölcherlengen.
xewerde yene, istanbulning yaworpa boyiche 3 - we dunya boyiche 7 – chong sayahet shehiri ikenliki qeyt qilinghan.