қибриста рәһбәрләр бир йәргә җәм болиду

шималий қибрис түрк җумһурийити җумһур рәиси мустафа ақинҗи билән җәнубий қибрис рум һакимийити  рәһбири никсос анастасиадис 26 – апрел күни бир йәргә җәм болиду.

қибриста рәһбәрләр бир йәргә җәм болиду

түркийә авази радийоси хәвири: җумһур рәислик сарийи мәнбәлириниң билдүрүшичә, қибрис рәһбәрлириниң, бирләшкән дөләтләр тәшкилатиниң қибрис алаһидә вәкили вә қибристики бирләшкән дөләтләр тәшкилати тинчлиқни сақлаш қисминиң қомандани елизабет спеһарниң битәрәп райондики бинасида ишқа ашурулидиған ғәйрий рәсмий учришиши, шу җай вақти саәт 10 йеримда башлинидикән.

шималий қибрис түрк җумһурийити җумһур рәиси мустафа ақинҗи вәзипигә олтурғандин кейин, бирләшкән дөләтләр тәшкилати баш катипиниң қибрис алаһидә вәкили еспен бас айдниң мурәссәчиликидә, 2015 – йили май ейида қайтидин башланған музакириләр даирисидә, 2017 – йили ийул ейида шивейтсарийәниң кранс – монтана шәһиридә чақирилған қибрис конферансида һечқандақ нәтиҗә һасил қилиналмиғаниди.

музакириләр, «иқтисад», «йавропа иттипақи», «мүлкийәт»,  «земин», «һакимийәт вә күчтин ортақ бәһримән болуш»,  «бихәтәрлик вә капаләтләр» қатарлиқ 6 темидин тәшкил тапатти.

қибриста рәһбәрләр 2018 – йили 26 – өктәбир күни спеһарниң саһибханилиқида битәрәп районда бир йәргә җәм болғаниди.



مۇناسىۋەتلىك خەۋەرلەر