таҗикистан өзбекистандин техиму көп тәбиий газ импорт қилиду

таҗикистан енергийә башқуруш идариси муавин башлиқи шәвкәт шайимзадә, 2019-йили өзбекистандин техиму көп тәбиий газ импорт қилинидиғанлиқини билдүрди.

таҗикистан өзбекистандин техиму көп тәбиий газ импорт қилиду

түркийә авази радийоси хәвири: таҗикистан  бу йил өзбекистандин импорт қилидиған тәбиий газ миқдарини тәхминән 4 һәссә ашуридиғанлиқини билдүрди.

таҗикистан енергийә башқуруш идариси муавин башлиқи шәвкәт шайимзадә мухбирларни күтүвелиш йиғини өткүзгәндә, таҗикистанниң бултур өзбекистандин 54 милйон куп метир тәбиий газ импорт қилғанлиқини, бу йил бу миқдарни 4 һәссә ашуридиғанлиқини ейтти.

шәвкәт шайимзадә, таҗикистанниң 2019-йили өзбекистандин тәхминән 200 милйон куп метир тәбиий газ импорт қилишни пиланливатқанлиқини билдүрди.

өзбекистан даирилири билән аллибурунла музакирә өткүзүшни башливәткәнликлирини ейтқан шайимзадә, пат йеқинда келишим имзалинидиғанлиқини әскәртти.

таҗикистан һөкүмити өзбекистанға һәр миң куп метир тәбиий газ үчүн 120 доллар төләп келиватқаниди.

икки дөләт мунасивити әслигә кәлгәндин буйан, таҗикистан өзбекистанға ток експорт қиливатқан болса, өзбекистанму таҗикистанға тәбиий газ експорт қилип кәлмәктә.  

өзбекистанда йилда оттуричә 60 милйард куп метир тәбиий газ ишләпчиқирилидиған болуп, бу миқдарниң  көп қисми мәмликәт ичидә ишлитилиду. 10-12 милйард куп метир тәбиий газ болса хитай, русийә вә башқа дөләтләргә експорт қилиниду.



مۇناسىۋەتلىك خەۋەرلەر