niyu jérsida bir türk rayonluq hökümet bashliqi boldi

amérikaning niyu jérsi ishtatigha qarashliq chatam rayonining bashliqliqigha, 15 yildin béri u yerde yashawatqan esli türkiyelik tayfun selen saylandi.

niyu jérsida bir türk rayonluq hökümet bashliqi boldi

türkiye awazi radiyosi xewiri: amérika puqrasi we 2017-yildin tartip chatam rayonluq hökümet komitétining ezasi bolghan tayfun selen, komitétta ötküzülgen rayonluq hökümet bashliqi saylimida yuqiri awazgha érishti.

türkiyening niyu yorktiki konsulxanisi twittér bétide, tayfun selenning saylamda ghelibe qilghanliqi xewirini tarqitip hembehirlidi. uchurda mundaq déyildi:

«niyu jérsigha qarashliq chatam rayonining bashliqliqigha saylanghan hörmetlik tayfun selenni tebrikleymiz, muweppeqiyetlirining dawamliq bolushini tileymiz.»

buningdin burun chatam rayonluq hökümet komitétining tunji türk ezasi unwanigha ige bolghan tayfun selen, bu qétim amérikada rayonluq hökümetning bashliqi bolghan tunji türk bolup qaldi.

wezipe ötesh mudditi toshqan chatam rayonluq hökümetning sabiq bashliqi kurt rittér, saylamda namzat bolmaydighanliqini élan qilghan idi. chatam xelqi qanunning telipi boyiche üch ezadin besh ezaghiche bolghan hökümet komitétini saylaydu. komitét bolsa, rayonluq hökümet bashliqini belgileydu.

jumhuriyetchi partiyening ezasi bolghan we 15 yildin buyan chatamda yashawatqan tayfun selen, istanbul pen-téxnika uniwérstétining binakarliq kespini pütküzgen. niyu jérsidiki montkléyir uniwérstétida igilik bashqurush kespi boyiche magéstirliqta oqughan bolup, «Lincold Educational Services» namilq mektepning kéngishide péshqedem muawin reis bolup xizmet qilip kelmekte.

tayfun selen öy-ochaqliq bolup, bir perzenti bar.



مۇناسىۋەتلىك خەۋەرلەر