özbékistan chiqish wizisi tüzümini bikar qildi

özbékistanda 1 – yanwardin bashlap chet elge sayahetke chiqish ijaziti hésablinidighan chégradin «chiqish wizisi» tüzümi emeldin qalduruldi.

özbékistan chiqish wizisi tüzümini bikar qildi

türkiye awazi radiyosi xewiri: özbékistan ichki ishlar ministirliqi bayanat bérip, pirézidént shewket mirziyayéwning, 2017 – yili awghustta chet elge chiqish ijazet wizisi tüzümining emeldin qaldurulup, uning ornigha ikkinchi bir pasport tüzümini yolgha qoyushni mezmun qilghan qararnameni imzalighanliqini eskertti.

mezkur qararnamege asaslanghanda, chet elge chiqish wizisi tüzümi 1 – yanwardin bashlap emeldin qaldurulghan bolup, chet elge chiqidighan özbékistan puqraliri buningdin kéyin alidighan ikkinchi bir pasportni ishlitidiken.

bayanatta, özbékistan wiza tüzümi yolgha qoyuwatqan döletlerge sayahetke bérish salahiyiti bilen teminleydighan chet elge chiqish wizisi tüzümi 1995 – yilidin buyan ijra qilinip kéliwatqanliqi qeyt qlindi.

yéngi tüzüm boyiche, chet elge chiqquchilar alidighan ikkinchi pasport 16 yashtin chonglargha 10 yilliq, 16 yashtin töwenlerge 5 yilliq bérilidiken.

özbékistanda hazirghiche pasportlar hem dölet ichide kimlik ornida, hem chet elge chiqqanda ishlitilip kéliwatatti.

xelq chet elge chiqish üchün jamaet xewpsizlik orunliridin pasportlirigha 2 yil inawetlik chet elge chiqish wizisi qoyghuzatti.


خەتكۈچ: wiza , özbékistan

مۇناسىۋەتلىك خەۋەرلەر