өзбекистан чиқиш визиси түзүмини бикар қилди

өзбекистанда 1 – йанвардин башлап чәт әлгә сайаһәткә чиқиш иҗазити һесаблинидиған чеградин «чиқиш визиси» түзүми әмәлдин қалдурулди.

өзбекистан чиқиш визиси түзүмини бикар қилди

түркийә авази радийоси хәвири: өзбекистан ички ишлар министирлиқи байанат берип, пирезидент шәвкәт мирзийайевниң, 2017 – йили авғустта чәт әлгә чиқиш иҗазәт визиси түзүминиң әмәлдин қалдурулуп, униң орниға иккинчи бир паспорт түзүмини йолға қойушни мәзмун қилған қарарнамәни имзалиғанлиқини әскәртти.

мәзкур қарарнамәгә асасланғанда, чәт әлгә чиқиш визиси түзүми 1 – йанвардин башлап әмәлдин қалдурулған болуп, чәт әлгә чиқидиған өзбекистан пуқралири буниңдин кейин алидиған иккинчи бир паспортни ишлитидикән.

байанатта, өзбекистан виза түзүми йолға қойуватқан дөләтләргә сайаһәткә бериш салаһийити билән тәминләйдиған чәт әлгә чиқиш визиси түзүми 1995 – йилидин буйан иҗра қилинип келиватқанлиқи қәйт қлинди.

йеңи түзүм бойичә, чәт әлгә чиққучилар алидиған иккинчи паспорт 16 йаштин чоңларға 10 йиллиқ, 16 йаштин төвәнләргә 5 йиллиқ берилидикән.

өзбекистанда һазирғичә паспортлар һәм дөләт ичидә кимлик орнида, һәм чәт әлгә чиққанда ишлитилип келивататти.

хәлқ чәт әлгә чиқиш үчүн җамаәт хәвпсизлик орунлиридин паспортлириға 2 йил инавәтлик чәт әлгә чиқиш визиси қойғузатти.



مۇناسىۋەتلىك خەۋەرلەر