shimaliy qibris türk jumhuriyitide yüz bergen su apiti 3 jangha zamin boldi

shimaliy qibris türk jumhuriyitide shiddetlik yamghur we boran sewebidin yüz bergen su apitide 3 kishi hayatidin ayrildi.

shimaliy qibris türk jumhuriyitide yüz bergen su apiti 3 jangha zamin boldi

 

türkiye awazi radiyosi xewiri: ikki kündin buyan shimaliy qibris türk jumhuriyiti miqyasida dawamlishiwatqan boran we shiddetlik yamghur sewebidin nurghunlighan öy, ish orni we aptomobillar ziyangha uchridi.

kichide lefkosha - girne yolidiki jiklos dégen jayda bir aptomobil selde éqip, doghanköy deryasigha chüshüp ketti we aptomobildiki 3 kishining jesiti chiqirildi.

yoqulup ketken kishilerni izdep qutquzush xizmetliri dawamlashmaqta.

girnede méhmanxanida qapsilip qalghan sayahetchiler ot öchürüsh etritining aptombilliri bilen qutquzuldi.

shimaliy qibris türk jumhuriyiti météorologiye bashqarmisi boran we shiddetlik yamghurning tesirining bügün kichide téximu yuqiri kötürülidighanliqini bildürüp, xelqning hushyar bolushi kérekliki heqqide agahlandurush élan qildi.

mekteplermu bügün oqu - oqutushni toxtatti. 



مۇناسىۋەتلىك خەۋەرلەر