шималий қибрис түрк җумһурийитидә йүз бәргән су апити 3 җанға замин болди

шималий қибрис түрк җумһурийитидә шиддәтлик йамғур вә боран сәвәбидин йүз бәргән су апитидә 3 киши һайатидин айрилди.

шималий қибрис түрк җумһурийитидә йүз бәргән су апити 3 җанға замин болди

 

түркийә авази радийоси хәвири: икки күндин буйан шималий қибрис түрк җумһурийити миқйасида давамлишиватқан боран вә шиддәтлик йамғур сәвәбидин нурғунлиған өй, иш орни вә аптомобиллар зийанға учриди.

кичидә ләфкоша - гирнә йолидики җиклос дегән җайда бир аптомобил сәлдә еқип, доғанкөй дәрйасиға чүшүп кәтти вә аптомобилдики 3 кишиниң җәсити чиқирилди.

йоқулуп кәткән кишиләрни издәп қутқузуш хизмәтлири давамлашмақта.

гирнәдә меһманханида қапсилип қалған сайаһәтчиләр от өчүрүш әтритиниң аптомбиллири билән қутқузулди.

шималий қибрис түрк җумһурийити метеорологийә башқармиси боран вә шиддәтлик йамғурниң тәсириниң бүгүн кичидә техиму йуқири көтүрүлидиғанлиқини билдүрүп, хәлқниң һушйар болуши керәклики һәққидә агаһландуруш елан қилди.

мәктәпләрму бүгүн оқу - оқутушни тохтатти. 



مۇناسىۋەتلىك خەۋەرلەر