ministir turhan ilham eliyéw teripidin qobul qilindi

qatnash we ul eslihe qurulushi ishliri ministiri mehmet jahit turhan ezerbeyjandiki uchrishishliri dairiside pirézidént ilham eliyéw teripidin qobul qilindi.

ministir turhan ilham eliyéw teripidin qobul qilindi

türkiye awazi radiyosi xewiri: ministir turhan 24 – nöwetlik xelqara uchur – alaqe, yéngiliq we ilghar téxnologiye mehsulatliri yermenkisige qatnishish üchün yétip barghan ezerbeyjanda, pirézidént ilham eliyéw bilen körüshti.

ezerbeyjan pirézidénti ilham eliyéw bu yerde qilghan sözide, ezerbeyjan bilen türkiye otturisidiki diplomatik munasiwetlerning qatnash we ul eslihe qurulushini öz ichige alghan her sahede muweppeqiyetlik halda tereqqiy qiliwatqanliqini eskertish bilen bir waqitta, tiransport saheside ikki dölet otturisidiki hemkarliqning yenimu yüksek sewiyege yetkenlikini, bultur paaliyetke ötken baku – tiflis – qaris tömür yoli layihesining, peqet rayon üchünla emes, téximu keng saheler üchünmu nahayiti zor ehmiyetke ige ikenlikini qeyt qildi, hemde ezerbeyjan bilen türkiyening uchur - alaqe sahesidimu hemkarliq ornitiwatqanliqini, türkiye shirketlirining ezerbeyjanda bu sahede uzun yillardin buyan paaliyet élip bériwatqanliqini,  her  ikki terepning uchur - alaqe sahesidiki hemkarliqni yenimu kücheytish iradisining qetiylikini tekitlidi.

ministir turhan, ezerbeyjan bilen türkiye otturisidiki munasiwetlerning nahayiti uzungha sozulidighanliqini, ezerbeyjanda ul eslihe qurulushliri, sheher qurulushi qatarliq sahelerde nahayiti zor muweppeqiyetlerning qolgha keltürülüwatqanliqini qeyt qilish bilen bir waqitta, merhum pirézidént heyder eliyéwning ezerbeyjan we türkiye üchün éytqan «bir millet, ikki dölet» sözining nahayiti muhimliqini, ezerbeyjan qudret tapsa türkiyening intayin xushal bolidighanliqini, her ikki döletning buningdin kéyinmu muhim layihelerni ishqa ashuridighanliqini tekitlidi.



مۇناسىۋەتلىك خەۋەرلەر