министир турһан илһам әлийев тәрипидин қобул қилинди

қатнаш вә ул әслиһә қурулуши ишлири министири мәһмәт җаһит турһан әзәрбәйҗандики учришишлири даирисидә пирезидент илһам әлийев тәрипидин қобул қилинди.

министир турһан илһам әлийев тәрипидин қобул қилинди

түркийә авази радийоси хәвири: министир турһан 24 – нөвәтлик хәлқара учур – алақә, йеңилиқ вә илғар технологийә мәһсулатлири йәрмәнкисигә қатнишиш үчүн йетип барған әзәрбәйҗанда, пирезидент илһам әлийев билән көрүшти.

әзәрбәйҗан пирезиденти илһам әлийев бу йәрдә қилған сөзидә, әзәрбәйҗан билән түркийә оттурисидики дипломатик мунасивәтләрниң қатнаш вә ул әслиһә қурулушини өз ичигә алған һәр саһәдә мувәппәқийәтлик һалда тәрәққий қиливатқанлиқини әскәртиш билән бир вақитта, тиранспорт саһәсидә икки дөләт оттурисидики һәмкарлиқниң йәниму йүксәк сәвийәгә йәткәнликини, бултур паалийәткә өткән баку – тифлис – қарис төмүр йоли лайиһәсиниң, пәқәт район үчүнла әмәс, техиму кәң саһәләр үчүнму наһайити зор әһмийәткә игә икәнликини қәйт қилди, һәмдә әзәрбәйҗан билән түркийәниң учур - алақә саһәсидиму һәмкарлиқ орнитиватқанлиқини, түркийә ширкәтлириниң әзәрбәйҗанда бу саһәдә узун йиллардин буйан паалийәт елип бериватқанлиқини,  һәр  икки тәрәпниң учур - алақә саһәсидики һәмкарлиқни йәниму күчәйтиш ирадисиниң қәтийликини тәкитлиди.

министир турһан, әзәрбәйҗан билән түркийә оттурисидики мунасивәтләрниң наһайити узунға созулидиғанлиқини, әзәрбәйҗанда ул әслиһә қурулушлири, шәһәр қурулуши қатарлиқ саһәләрдә наһайити зор мувәппәқийәтләрниң қолға кәлтүрүлүватқанлиқини қәйт қилиш билән бир вақитта, мәрһум пирезидент һәйдәр әлийевниң әзәрбәйҗан вә түркийә үчүн ейтқан «бир милләт, икки дөләт» сөзиниң наһайити муһимлиқини, әзәрбәйҗан қудрәт тапса түркийәниң интайин хушал болидиғанлиқини, һәр икки дөләтниң буниңдин кейинму муһим лайиһәләрни ишқа ашуридиғанлиқини тәкитлиди.



مۇناسىۋەتلىك خەۋەرلەر