iraq türkmenliri hakimiyettin orun élishni xalaydu

iraq türkmenliri aldinqi sépi herikiti iraq kord rayonluq hökümitide qurulidighan birleshme hökümettin aktip halda orun élishni xalaydighanliqini bildürdi.

iraq türkmenliri hakimiyettin orun élishni xalaydu

türkiye awazi radiyosi xewiri: iraq türkmenliri aldinqi sépi herikitining bu heqte erbilde chaqirilghan  kéngesh yighinigha, türkmen parlamént ezaliri, türkmen siyasiy partiyelerning mesulliri, akadémiklar we ammiwi teshkilatlarning wekilliri qatnashti.

iraq türkmenliri aldinqi sépi herikitining erbil parlamént ezasi aydin meruf yighindin kéyin élan qilghan bayanatida, kéngesh yighinida, türkmenlerning yéngi iraq kord rayonluq hökümiti hökümitige yégane sada süpitide ishtiraq qilish mesiliside birdeklik hasil qilinghanliqini tekitlep mundaq dédi: «yighinda,  iraq kord rayonluq hökümitide qurulghusi yéngi hökümetke aktip qatnishishni telep qiliwatqan türkmenlerge muawin bash ministirliq we türkmenler ishlirigha mesul dölet ministirliqi wezipilirining bérilishi toghruluq muzakire élip bérildi.»

iraq kord rayonluq hökümitining türkmen parlamént ezasi muhemmed ilhanli, ichki kabénttiki türkmenlerning bir ministirliqta wekillik qiliniwatqanliqini eskertip mundaq dédi: «türkmen siyasiy partiyeler we parlamént ezaliri bolush süpitimiz bilen, yighinda hökümette ishtirakchi süpitide emes, eksiche ortaq bolush telipimizni otturigha qoyduq. derweqe, türkmenlerning hakimiyettin we siyasiy mixanizmdin aktip orun élishi zörür, chünki rayondiki ikkinchi étnik guruppa türkmenlerdur, shunga türkmenlerning siyasiy mewjudiyiti küchlendürülüshi lazim.»


خەتكۈچ: yighin , hökümet , türkmenler , iraq

مۇناسىۋەتلىك خەۋەرلەر