ирақ түркмәнлири һакимийәттин орун елишни халайду

ирақ түркмәнлири алдинқи сепи һәрикити ирақ корд районлуқ һөкүмитидә қурулидиған бирләшмә һөкүмәттин актип һалда орун елишни халайдиғанлиқини билдүрди.

ирақ түркмәнлири һакимийәттин орун елишни халайду

түркийә авази радийоси хәвири: ирақ түркмәнлири алдинқи сепи һәрикитиниң бу һәқтә әрбилдә чақирилған  кеңәш йиғиниға, түркмән парламент әзалири, түркмән сийасий партийәләрниң мәсуллири, академиклар вә аммиви тәшкилатларниң вәкиллири қатнашти.

ирақ түркмәнлири алдинқи сепи һәрикитиниң әрбил парламент әзаси айдин мәруф йиғиндин кейин елан қилған байанатида, кеңәш йиғинида, түркмәнләрниң йеңи ирақ корд районлуқ һөкүмити һөкүмитигә йеганә сада сүпитидә иштирақ қилиш мәсилисидә бирдәклик һасил қилинғанлиқини тәкитләп мундақ деди: «йиғинда,  ирақ корд районлуқ һөкүмитидә қурулғуси йеңи һөкүмәткә актип қатнишишни тәләп қиливатқан түркмәнләргә муавин баш министирлиқ вә түркмәнләр ишлириға мәсул дөләт министирлиқи вәзипилириниң берилиши тоғрулуқ музакирә елип берилди.»

ирақ корд районлуқ һөкүмитиниң түркмән парламент әзаси муһәммәд илһанли, ички кабенттики түркмәнләрниң бир министирлиқта вәкиллик қилиниватқанлиқини әскәртип мундақ деди: «түркмән сийасий партийәләр вә парламент әзалири болуш сүпитимиз билән, йиғинда һөкүмәттә иштиракчи сүпитидә әмәс, әксичә ортақ болуш тәлипимизни оттуриға қойдуқ. дәрвәқә, түркмәнләрниң һакимийәттин вә сийасий миханизмдин актип орун елиши зөрүр, чүнки райондики иккинчи етник гуруппа түркмәнләрдур, шуңа түркмәнләрниң сийасий мәвҗудийити күчләндүрүлүши лазим.»



مۇناسىۋەتلىك خەۋەرلەر