bakuda taghliq qarabaghning erkinlikini telep qilip namayish ötküzüldi

türkiye awazi radiyosi xewiri: «qarabagh komitéti» gha eza ijtimaiy küchler bashqurushidiki organlarning ezaliri we ularning minglarche qollighuchisi, ezerbeyjanning paytexti bakuning mehsul tenterbiye meydanida taghliq qarabagh ishghaligha qarshi naraziliq namayishi ötküzdi.

namayish ezerbeyjan milliy marshining oqulushi bilen bashlandi؛ namayishchilar «qarabaghqa erkinlik», «qarabagh ezerbeyjanningdur» dégendek shoarlarni towlidi. yighilish jeryanida ezerbeyjan bayraqliri bilen birlikte türkiye we shimaliy qibris türk jumhuriyiti bayraqlirimu lepilditildi.

namayishta söz qilghanlar, erméniyening ishghal qiliwalghan taghliq qarabaghdin chékinip chiqip kétishini telep qildi. yighilishta, taghliq qarabagh mesilisini hel qilish musapisige mesul yawropa xewpsizlik we hemkarliq teshkilati miniski guruppisi bilen erméniyening ishghalchi siyasitige köz yumghan chong döletler eyiblendi.

erméniye, 1991 – yilidin 1993 – yilighche bir milyongha yéqin ezerbeyjanliqni yashawatqan jayliridin sürgün qilip, taghliq qarabaghni we ezerbeyjanning 7 shehirini ishghal qiliwaldi. nöwette, ezerbeyjanning %20 zémini erméniyening ishghali astida turmaqta.