türkiye shirketliri tashkent-semerqent tashyolini yasaydu

türk shirketliri ömiki özbékstanning mesul organliri bilen birlikte paytext tashkentni semerqentke tutashturidighan tunji heq élinidighan tashyol layihesini tepsiliy muzakire qildi.

türkiye shirketliri tashkent-semerqent tashyolini yasaydu

türkiye awazi radiyosi xewiri: özbékstan döletlik meblegh komitétining bu heqtiki bayanatigha asaslanghanda, komitétning 1-muawin yardemchisi laziz qurdrarow jengiz-kolin-kalyon türk shirketlirining mesulliri bilen körüshüp, özbékstanda yasalmaqchi bolghan tunji heq élinidighan tashyol layihesini muzakire qilghan. özbékstanning munasiwetlik ministirliq we dölet organliri muzakirege qatnashqan bolup, türk ömiki layihe toghrisidiki tekliplirini sunghan, özbékstan terep layihege munasiwetlik pikirlirini otturigha qoyghan. muzakirede, tashyol ötidighan nuqtilar, tashyol qurulushining déhqanchiliq étizliri, yaylaq we muhitqa körsitidighan tesirini eng töwen chekke chüshürüsh mesililiri közdin kechürülgen.

özbékstandiki tunji heq élinidighan tashyol bolushi pilan qilinghan tashkent-semerqent tashyol qurulushi kélishimining, türkiye jumhur reisi rejep tayyip erdoghanning 2018-yil aprél éyidiki özbékstan ziyaritide tüzülgenliki we tashyolning 2019-2020-yillirida xizmetke kirishtürülüshining pilan qilinghanliqi bildürüldi.

qeyt qilinishiche, layihe xizmetke kirishtürülgende 4-3.5 saet bolghan tashkent-semerqent tashyol musapisi ikki saetke chüshidiken.



مۇناسىۋەتلىك خەۋەرلەر