қизғизистан «әнәнивий милләтләр шәһири» қурулди

қизғизистанда түнүгүн башланған 3 – нөвәтлик хәлқара көчмән хәлқләр әнәнивий ойунлириниң тәййарлиқлири даирисидәө «әнәнивий милләтләр шәһири» қурулди.

gocebe oyunlari.jpg
gocebe oyunlari kirgizistan.jpg

 

түркийә авази радийоси хәвири: қизғизистан пирезиденти соронбай җәнбековниң һимайиси билән түнүгүн башланған 3нөвәтлик хәлқара көчмән хәлқләр әнәнивий ойунлириниң тәййарлиқлири даирисидә қурулған «әнәнивий милләтләр шәһири»ниң ечилиш мурасими дағдуғулуқ өткүзүлди.

түркийә радийо - телевизийә идариси т р т вә анадолу агентлиқи паалийәтниң медийа шерики болди.

қирғизистан пирезиденти соронбай җәнбеков хәлқара көчмән хәлқләр әнәнивий ойунлириниң бир қисми һесаблинидиған «әнәнивий милләтләр шәһири»ниң ечилиш лентисини кәсти. 

ечилиш мурасимида сәнәтчиләр вә оқуғучилардин тәшкил тапқан нурғун санда ойун әтрити нумур көрсәтти. «күчмән хәлқләрниң алтун дәври» намлиқ тийатир арқилиқ қизғизларниң тарихи вә көчмәнлик дәвридики әнәнилири сәһниләштүрүлди.

соронбай җәнбеков көрситлигән ойунларниң интайин йуқири сәвийәдә һазирлинишини қоллап - қуввәтлигәнлики үчүн пүтүн қизғизистан хәлқигә вә паалийәтни орунлаштуруғучиларға рәхмәт ейтти.

қирғизистан пирезиденти соронбай җәнбеков һәр икки йилда бир қетим өткүзүлидиған хәлқара көчмән хәлқләр әнәнивий ойунлириниң 3 - нөвәтликиниң ечилиш мурасимини болса, түркий тилида сөзлишидиған дөләт рәһбәрлиридин җумһур рәис рәҗәп таййип әрдоған, қазақистан пирезиденти нурсултан нәзәрбайев, венгирийә (һонгерийә) баш министири виктор орбан, русийә федератсийәсигә қарашлиқ татаристан җумһурийити пирезиденти рустәм миннихановниң иштирак қилиши билән өткүзгәнликини әскәртти.

соронбай җәнбеков көчмәнләр мәдәнийитиниң пәлсәписини техиму тәрәққий қилдуруш үчүн хәлқара көчмән хәлқләр әнәнивий ойунлириниң 4нөвәтликиниң түркийәдә өткүзүлишигә қарита җумһур рәис рәҗәп таййип әрдоғанниң алаһидә қоллишиға еришкәнликини билдүрди.

келәр нөвәтлик хәлқара көчмән хәлқләр әнәнивий ойунлириниң түркийәдә өткүзүлүш һоқуқини тапшуруп бәргәнликини тилға алған соронбай җәнбеков, түркийә хәлқигә вә җумһур рәис рәҗәп таййип әрдоғанға қоллап - қуввәтлигәнлики үчүн алаһидә рәхмәт ейтти. 

 



مۇناسىۋەتلىك خەۋەرلەر