әрдоған, 6 – нөвәтлик түрк кеңиши башлиқлар йиғини» ға шитирак қилди

җумһур рәис рәҗәп таййип әрдоған, түрк дөләтлириниң өзара орнитидиған һәмкарлиқиниң хәлқара түзүмниң адиллиқ билән иҗра қилинишиғиму һәссә қошидиғанлиқини ейтти.

әрдоған, 6 – нөвәтлик түрк кеңиши башлиқлар йиғини» ға шитирак қилди

түркийә авази радийоси хәвири: җумһур рәис әрдоған қирғизистандики зийарити даирисидә түнүгүн руһ ордо мәдәнийәт мәркизидә қирғизистан пирезиденти сооронбай җеенбековниң саһибханлиқида бишкәктә өткүзүлгән «6 – нөвәтлик түрк кеңиши башлиқлар йиғини» ға шитирак қилди.

әрдоған йиғинда иштиракчиларни бирлик вә баравәрлик орнитишқа чақирип, «йеқинқи мәзгилләрдә буйан хәлқара қаидә, пиринсип вә бәлгилимиләр бипәрваларчә дәпсәндә қилинған бир җәрйанни баштин кәчүргәнликимизниму әпсуслиниш ичидә әскәртип өтүшни халаймән» деди.

бәзи дөләтләрниң хәлқаралиқ мәсилиләрни һәл қилишта дипломатийә, дийалог вә көп тәрәплимиликкә тайинишниң орниға тәһдит, бесим вә пурсәтпәрәсликни алдинқи пиланға чиқиришқа тиришиватқанлиқини тәкитлигән әрдоған, «сода чәклимилири, таможна баҗлири вә ембарголарға охшаш васитиләр йүзисидин узун йилларниң мәһсули болған келишимләр бирдинла қиммитини йоқитип қоймақта» дегәнләрни қәйт қилди.

түркийәниң хәлқара җәмийәт билән һәмкарлиқ орнатқан асаста дийалогни, дипломатийәни, адаләтни вә қанунни һимайә қилишни давамлаштуридиғанлиқини билдүргән әрдоған, «түрк дөләтлири болуш сүпитимиз билән бизниң һәмкарлиқимиз хәлқара түзүмниң адиллиқ билән иҗра қилинишиғиму һәссә қошиду» деди.

әрдоған, хәлқара содидики долларға болған беқиндилиқ тоғрисида тохтилип, «өз пул бирликлиримизни ишлитип сода қилиш йолиға мәркәзлишиш тәклип қилимиз» деди.

фәтһуллаһчи террорлуқ тәшкилатиниң бир мәзгил түркийәдә қилғиниға охшаш дунйаниң һәрқайси җайлирида маарип орунлирини васитә қилип тәшкилләнгәнликини тилға алған әрдоған сөзини давамлаштуруп, «бизниң баштин кәчүргәнлиримиз, фәтһуллаһчи террорлуқ тәшкилатиға қарши күрәшни кечиктүрмәслик керәкликини бизгә охшашла достлиримизғиму наһайити рошән шәкилдә көрситип бәрди» деди.



مۇناسىۋەتلىك خەۋەرلەر