6 – nöwetlik türk kéngishi dölet bashliqliri yighinining xulase doklati élan qilindi

cholpan ata shehiridiki ruh ordu kültür merkizide «yashlar hemkarliqi we döletlik tenterbiye» témisi astida ötküzülgen 6 – nöwetlik türk kéngishi dölet bashliqliri yighinidin kéyin imzalanghan xulase doklati élan qilindi.

6 – nöwetlik türk kéngishi dölet bashliqliri yighinining xulase doklati élan qilindi

 

türkiye awazi radiyosi xewiri: doklatta, qazaqistanning iranda turushluq sabiq bash elchisi baghdad amrayéw kéngeshning bash katibliq wezipisige teyinlendi.

baghdad amrayéw muxbirlargha bergen bayanatida, türk kéngishining kelsgüside qilidighan paaliyetliri we heriket pilanini öz ichige alghan xolase doklatining imzalanghanliqini eskertip, «dölet bashliqliri yighinida, wéngiriye (hongiriye) közetküchi eza salahiyitige érishti. qérindash wéngiriye (hongiriye) xelqi yiltizlirining chong yaylaqqa tutishidighanliqigha ishinidu. bumu elwette toghra. wéngiriye (hongiriye) xelqining öz ejdalirini untimighanliqi üchün bizmu intayin söyünmektimiz» dédi. 

baghdad amrayéw özbékistanning kéngeshke eza bolushiningmu pat yéqinda qobul qilinishini ümid qildighanliqini éytti.

6nöwetlik türk kéngishi dölet bashliqliri yighinigha jumhur reis rejep tayyip erdoghan, qirghizistan pirézidénti soronbay jénbékow, qazaqistan dölet reisi nur sultan nezerbayéw we ezerbeyjan pirézidénti ilham eliyéwdin bashqa yene, özbékistan dölet reisi shewket mirzayoyéwa we wéngiriye (hongiriye) bash ministiri wikto orbanmu sherep méhmini süpitide qatnashqan idi.

erdoghan qirghizistandiki uchrishlirini axirlashturup türkiyege yolgha chiqti.

qirghizisan dölet mesulliri erdoghanni bishkek manas xelqara ayrorodorumida uzutup qoydi.

erdoghan we repiqisi emine erdoghan bilen birge tashqi ishlar ministiri mewlüt chawushoghlu, dölet mudapie ministiri xulusi aqar, aile we ijtimaiy xizmetler ministiri zehra rumrut seljuq. yashlar we tenterbiye ishliri ministiri mehmet muherrem qassapoghlu, soda ishliri ministiri ruxsar pekjan, qatnash we hul eslihe qurulushi ministiri jahit turxan, istixbarat teshklati bashliqi haqan fidan, jumhur reislik bayanatchisi ibrahim kalin, adalet we tereqqiyat partiyesi muawin reisi jewdet yilmaz qatarliq rehberlerning hemmisi béshkektiki ziyaretlirini laxirlashturup memliketke qaytti. 


خەتكۈچ: kéngesh , erdoghan , türk dunyasi

مۇناسىۋەتلىك خەۋەرلەر