6 – нөвәтлик түрк кеңиши дөләт башлиқлири йиғининиң хуласә доклати елан қилинди

чолпан ата шәһиридики руһ орду күлтүр мәркизидә «йашлар һәмкарлиқи вә дөләтлик тәнтәрбийә» темиси астида өткүзүлгән 6 – нөвәтлик түрк кеңиши дөләт башлиқлири йиғинидин кейин имзаланған хуласә доклати елан қилинди.

6 – нөвәтлик түрк кеңиши дөләт башлиқлири йиғининиң хуласә доклати елан қилинди

 

түркийә авази радийоси хәвири: доклатта, қазақистанниң иранда турушлуқ сабиқ баш әлчиси бағдад амрайев кеңәшниң баш катиблиқ вәзиписигә тәйинләнди.

бағдад амрайев мухбирларға бәргән байанатида, түрк кеңишиниң кәлсгүсидә қилидиған паалийәтлири вә һәрикәт пиланини өз ичигә алған холасә доклатиниң имзаланғанлиқини әскәртип, «дөләт башлиқлири йиғинида, венгирийә (һонгирийә) көзәткүчи әза салаһийитигә еришти. қериндаш венгирийә (һонгирийә) хәлқи йилтизлириниң чоң йайлаққа тутишидиғанлиқиға ишиниду. буму әлвәттә тоғра. венгирийә (һонгирийә) хәлқиниң өз әҗдалирини унтимиғанлиқи үчүн бизму интайин сөйүнмәктимиз» деди. 

бағдад амрайев өзбекистанниң кеңәшкә әза болушиниңму пат йеқинда қобул қилинишини үмид қилдиғанлиқини ейтти.

6нөвәтлик түрк кеңиши дөләт башлиқлири йиғиниға җумһур рәис рәҗәп таййип әрдоған, қирғизистан пирезиденти соронбай җенбеков, қазақистан дөләт рәиси нур султан нәзәрбайев вә әзәрбәйҗан пирезиденти илһам әлийевдин башқа йәнә, өзбекистан дөләт рәиси шәвкәт мирзайойева вә венгирийә (һонгирийә) баш министири викто орбанму шәрәп меһмини сүпитидә қатнашқан иди.

әрдоған қирғизистандики учришлирини ахирлаштуруп түркийәгә йолға чиқти.

қирғизисан дөләт мәсуллири әрдоғанни бишкәк манас хәлқара айрородорумида узутуп қойди.

әрдоған вә рәпиқиси әминә әрдоған билән биргә ташқи ишлар министири мәвлүт чавушоғлу, дөләт мудапиә министири хулуси ақар, аилә вә иҗтимаий хизмәтләр министири зәһра румрут сәлҗуқ. йашлар вә тәнтәрбийә ишлири министири мәһмәт муһәррәм қассапоғлу, сода ишлири министири рухсар пәкҗан, қатнаш вә һул әслиһә қурулуши министири җаһит турхан, истихбарат тәшклати башлиқи һақан фидан, җумһур рәислик байанатчиси ибраһим калин, адаләт вә тәрәққийат партийәси муавин рәиси җәвдәт йилмаз қатарлиқ рәһбәрләрниң һәммиси бешкәктики зийарәтлирини лахирлаштуруп мәмликәткә қайтти. 



مۇناسىۋەتلىك خەۋەرلەر