erdoghan dost döletlerni fethullahchilar toghrisida agahlandurdi

jumhur reis rejep tayyip erdoghan, 2016 – yili 15 – iyulda herbiy – siyasiy özgirish qozghashqa urunghan fethullahchi térrorluq teshkilatining, ular mewjut bolup turuwatqan barliq döletler üchün éghir tehdit ikenlikini éytti.

erdoghan dost döletlerni fethullahchilar toghrisida agahlandurdi

türkiye awazi radiyosi xewiri: qirghizistanning paytexti bishkekte tünügün kechte ötküzülgen yuqiri derijilik istratégiyelik hemkarliq kéngishi yighinidin kéyin, erdoghan we qirghizistan pirézidénti sooronbay jéénbékow qoshma muxbirlarni kütüwélish yighini ötküzdi.

erdoghan yighinda söz qilip, türkiye – qirghizistan munasiwetlirining özige layiq sewiyege yétishi üchün, aldimizdiki mezgillerde barliq saheler boyiche qattiq tirishchanliq körsitilidighanliqini tekitlidi.

erdoghan qirghizistan bilen bolghan munasiwetlerning muhim bir teripini türk kéngishining shekillendüridighanliqigha isharet qilip, «düshenbe küni cholpan atada ötküzülidighan türk kéngishi bashliqlar yighinigha bashqa eza döletlerning pirézidéntliri bilen ishtirak qilip, muhim qararlarni chiqirimiz» dédi.

jumhur reis erdoghan qirghizistanliq mensepdéshi bilen körüshkende, qirghizistandiki fethullahchi térrorluq teshkilati mewjudiyitige qarshi küresh qilinishining muhim bir témini teshkil qilghanliqini tekitlep, «15 – iyulda bir herbiy – siyasiy özgirish qozghashqa urunghan fethullahchi térrorluq teshkilati, mewjut boluwatqan barliq döletlerge nisbeten bir xewp shekillendüridu. dölitimiz yéqinqi mezgillerde tashlighan tewrenmes qedemliri arqiliq bu térrorluq teshkilatining bélini püküshke muweppeq boldi. démokratiyemizge ziyan yetküzmekchi bolghan, parlaméntimiz we jumhur reislik sariyimizni bombardiman qilghan, 251 puqrayimizni shéhit qiliwetken bu térrorluq teshkilatini dölitimiz we qérindashlirimiz üchün tehdit amili bolushtin chiqirip tashlaymiz» dégenlerni qeyt qildi.

türkiye bilen qirghizistan arisida oxshash bolmighan saheler boyiche 12 türlük kélishim imzalandi.



مۇناسىۋەتلىك خەۋەرلەر