әрдоған дост дөләтләрни фәтһуллаһчилар тоғрисида агаһландурди

җумһур рәис рәҗәп таййип әрдоған, 2016 – йили 15 – ийулда һәрбий – сийасий өзгириш қозғашқа урунған фәтһуллаһчи террорлуқ тәшкилатиниң, улар мәвҗут болуп туруватқан барлиқ дөләтләр үчүн еғир тәһдит икәнликини ейтти.

әрдоған дост дөләтләрни фәтһуллаһчилар тоғрисида агаһландурди

түркийә авази радийоси хәвири: қирғизистанниң пайтәхти бишкәктә түнүгүн кәчтә өткүзүлгән йуқири дәриҗилик истратегийәлик һәмкарлиқ кеңиши йиғинидин кейин, әрдоған вә қирғизистан пирезиденти сооронбай җеенбеков қошма мухбирларни күтүвелиш йиғини өткүзди.

әрдоған йиғинда сөз қилип, түркийә – қирғизистан мунасивәтлириниң өзигә лайиқ сәвийәгә йетиши үчүн, алдимиздики мәзгилләрдә барлиқ саһәләр бойичә қаттиқ тиришчанлиқ көрситилидиғанлиқини тәкитлиди.

әрдоған қирғизистан билән болған мунасивәтләрниң муһим бир тәрипини түрк кеңишиниң шәкилләндүридиғанлиқиға ишарәт қилип, «дүшәнбә күни чолпан атада өткүзүлидиған түрк кеңиши башлиқлар йиғиниға башқа әза дөләтләрниң пирезидентлири билән иштирак қилип, муһим қарарларни чиқиримиз» деди.

җумһур рәис әрдоған қирғизистанлиқ мәнсәпдеши билән көрүшкәндә, қирғизистандики фәтһуллаһчи террорлуқ тәшкилати мәвҗудийитигә қарши күрәш қилинишиниң муһим бир темини тәшкил қилғанлиқини тәкитләп, «15 – ийулда бир һәрбий – сийасий өзгириш қозғашқа урунған фәтһуллаһчи террорлуқ тәшкилати, мәвҗут болуватқан барлиқ дөләтләргә нисбәтән бир хәвп шәкилләндүриду. дөлитимиз йеқинқи мәзгилләрдә ташлиған тәврәнмәс қәдәмлири арқилиқ бу террорлуқ тәшкилатиниң белини пүкүшкә мувәппәқ болди. демократийәмизгә зийан йәткүзмәкчи болған, парламентимиз вә җумһур рәислик сарийимизни бомбардиман қилған, 251 пуқрайимизни шеһит қиливәткән бу террорлуқ тәшкилатини дөлитимиз вә қериндашлиримиз үчүн тәһдит амили болуштин чиқирип ташлаймиз» дегәнләрни қәйт қилди.

түркийә билән қирғизистан арисида охшаш болмиған саһәләр бойичә 12 түрлүк келишим имзаланди.



مۇناسىۋەتلىك خەۋەرلەر