ilham eliyéw angéla mérkélning ziyaritini qobul qildi

ilham eliyéw angéla mérkélgha ezerbeyjanning xelqara jamaetchilik teripidin étirap qilinghan zéminining uzun yillardin béri erméniyening ashghaliyiti astida turiwatqanliqini éytti.

1037694
ilham eliyéw angéla mérkélning ziyaritini qobul qildi

türkiye awazi radiyosi: ilham eliyéw bakuda resmiy ziyarette boluwatqan gérmaniye bash ministiri angéla mérkélning ziyaritini qobul qildi. 

ilham eliyéw bilen mérkél heyetler ara uchrishishtin kéyin, qoshma axbarat élan qilish yighini ötküzdi.

ilham eliyéw angéla mérkélning tünji qétim ezerbeyjanda ziyarette bolghanliqini bildürüp, buning tarixiy ehmiyetke ige bir ziyaret ikenlikini éytti we bu ziyaretning gérmaniye ezerbeyjan munasiwetlirining tereqqiyatigha zor töhpe qoshidighanliqigha ishinidighanliqini tekitlidi.

ilham eliyéw angéla mérkélge rayonning bixeterlik mesililiridin bashqa yene, taghliq qarabagh meslisi heqqidimu melumat bergenlikini tilgha élip, «ezerbeyjanning xelqara jamaetchilik teripidin étirap qilinghan zémini uzun yillardin béri erméniyening ashghaliyiti astida turmaqta. bu ishghaliyet sewebidin 1 milyondin köprek ezerbeyjan puqrasi panahlanghuchilargha aylinip qaldi. toqunushqa alaqidar birleshken döletler teshkilati 4 qararname qobul qildi. bu qararnamilerge binaen erméniye armiyesi ishghaliyiti astidiki zéminimizdin shertsiz halda chéqip kétishi kérek idi. epsuski, erméniye bu qararlarni közge ilmay, heriketlerni qilmaqta. ezerbeyjanning zémin pütünliki kapaletke ige qilinishi we bu mesililer pirinsip asasida hel qilinishi lazim» dédi.

ilham eliyéw ezrebeyjan bilen gérmaniye otturisidiki soda omumiy sommisining éshiwatqanliqini we gérmaniye shirketlirining ezerbeyjanda nurghun layihelerge qatnashqanliqini tekillep, mérkilning ziyaritidin kéyin, ularning paaliyetlirining téximu ilgirileydighanliqigha ishinidighanliqini éytti.

ezerbeyjan tebiiy gazini yawropagha yetküzüdighan jenubiy gaz karidori üstidimu toxtilip, 40 milyard dollar meblegh kétidighan bu layihening may éyida resmiy échilish murasimini ötküzgenlikini eskertti.

angéla mérkél bolsa, ezerbeyjanning gérmaniyege nisbeten rayondiki eng chong we eng muhim soda shériki ikenlikini bildürüp, «gérmaniye ezerbeyjan iqtisadining köp xilliqqa ige bolushigha hesse qoshushqa teyyar» dédi. 

mérkél yawropaning énérgiye menbelirining köp xillishishida erzebeyjanning intayin muhim amil ikenlikini tekitlep, jenubiy gaz karidorining yawropaning énérgiye éhtiyajini qamdashta chong rol oynaydighanliqini bildürdi.

baku tiflis qars tömür yoli layihesining ehmiyiti üstidimu toxtalghan mérkél bu liniyening rayon bilen gérmaniye otturisidiki soda munasiwetlirining tereqqiy qilishigha hesse qoshidighanliqini éytti.

angéla mérkél taghliq qarabagh meslisining hel qilinishini arzu qilidighanliqini tekitlep, rayondiki barliq mesililerning tinch yol bilen hel qilinishini qollaydighanliqini oqturdi.

ilham eliyéw bilen mérkél yighindin kéyin, ezerbeyjanliq we gérmaniyelik karxanichilar bilen bir yerge jem boldi.

mérkél uchrishishlirini axirlashturghandin kéyin eerbeyjandin qaytip ketti.

 



مۇناسىۋەتلىك خەۋەرلەر