илһам әлийев ангела меркелниң зийаритини қобул қилди

илһам әлийев ангела меркелға әзәрбәйҗанниң хәлқара җамаәтчилик тәрипидин етирап қилинған земининиң узун йиллардин бери әрменийәниң ашғалийити астида туриватқанлиқини ейтти.

илһам әлийев ангела меркелниң зийаритини қобул қилди

түркийә авази радийоси: илһам әлийев бакуда рәсмий зийарәттә болуватқан германийә баш министири ангела меркелниң зийаритини қобул қилди. 

илһам әлийев билән меркел һәйәтләр ара учришиштин кейин, қошма ахбарат елан қилиш йиғини өткүзди.

илһам әлийев ангела меркелниң түнҗи қетим әзәрбәйҗанда зийарәттә болғанлиқини билдүрүп, буниң тарихий әһмийәткә игә бир зийарәт икәнликини ейтти вә бу зийарәтниң германийә әзәрбәйҗан мунасивәтлириниң тәрәққийатиға зор төһпә қошидиғанлиқиға ишинидиғанлиқини тәкитлиди.

илһам әлийев ангела меркелгә районниң бихәтәрлик мәсилилиридин башқа йәнә, тағлиқ қарабағ мәслиси һәққидиму мәлумат бәргәнликини тилға елип, «әзәрбәйҗанниң хәлқара җамаәтчилик тәрипидин етирап қилинған земини узун йиллардин бери әрменийәниң ашғалийити астида турмақта. бу ишғалийәт сәвәбидин 1 милйондин көпрәк әзәрбәйҗан пуқраси панаһланғучиларға айлинип қалди. тоқунушқа алақидар бирләшкән дөләтләр тәшкилати 4 қарарнамә қобул қилди. бу қарарнамиләргә бинаән әрменийә армийәси ишғалийити астидики земинимиздин шәртсиз һалда чеқип кетиши керәк иди. әпсуски, әрменийә бу қарарларни көзгә илмай, һәрикәтләрни қилмақта. әзәрбәйҗанниң земин пүтүнлики капаләткә игә қилиниши вә бу мәсилиләр пиринсип асасида һәл қилиниши лазим» деди.

илһам әлийев әзрәбәйҗан билән германийә оттурисидики сода омумий соммисиниң ешиватқанлиқини вә германийә ширкәтлириниң әзәрбәйҗанда нурғун лайиһәләргә қатнашқанлиқини тәкилләп, меркилниң зийаритидин кейин, уларниң паалийәтлириниң техиму илгириләйдиғанлиқиға ишинидиғанлиқини ейтти.

әзәрбәйҗан тәбиий газини йавропаға йәткүзүдиған җәнубий газ каридори үстидиму тохтилип, 40 милйард доллар мәбләғ кетидиған бу лайиһәниң май ейида рәсмий ечилиш мурасимини өткүзгәнликини әскәртти.

ангела меркел болса, әзәрбәйҗанниң германийәгә нисбәтән райондики әң чоң вә әң муһим сода шерики икәнликини билдүрүп, «германийә әзәрбәйҗан иқтисадиниң көп хиллиққа игә болушиға һәссә қошушқа тәййар» деди. 

меркел йавропаниң енергийә мәнбәлириниң көп хиллишишида әрзәбәйҗанниң интайин муһим амил икәнликини тәкитләп, җәнубий газ каридориниң йавропаниң енергийә еһтийаҗини қамдашта чоң рол ойнайдиғанлиқини билдүрди.

баку тифлис қарс төмүр йоли лайиһәсиниң әһмийити үстидиму тохталған меркел бу линийәниң район билән германийә оттурисидики сода мунасивәтлириниң тәрәққий қилишиға һәссә қошидиғанлиқини ейтти.

ангела меркел тағлиқ қарабағ мәслисиниң һәл қилинишини арзу қилидиғанлиқини тәкитләп, райондики барлиқ мәсилиләрниң тинч йол билән һәл қилинишини қоллайдиғанлиқини оқтурди.

илһам әлийев билән меркел йиғиндин кейин, әзәрбәйҗанлиқ вә германийәлик карханичилар билән бир йәргә җәм болди.

меркел учришишлирини ахирлаштурғандин кейин әәрбәйҗандин қайтип кәтти.

 



مۇناسىۋەتلىك خەۋەرلەر