shangxey hemkarliq teshkilati edliye ministirliri yighini qirghizistanda chaqirildi
qirghizistan shangxey hemkarliq teshkilatining nöwetchi reislikini iyun éyida xitaydin tapshurup alghan idi.
türkiye awazi radiyosi xewiri: shangxey hemkarliq teshkilati edliye ministirliri yighini qirghizistanning tetil merkizi cholpon ata shehiride ötküzüldi.
edliye ministirliri yighini qirghizistanning waqitliq edliye ministiri meqsetbék esenaliyéwning riyasetchilikide chaqirilghan bolup, yighingha rusiye, qazaqistan, özbékistan we tajikistanning edliye ministirliri shundaqla xitay we hindistanning muawin edliye ministirliri hemde pakistan we qazaqistanning bash elchiliri qatnashti.
shangxey hemkarliq teshkilatining muawin bash katibi nurlan aqqoshqarowmu qatnashqan yighingha bilarusiye, iran we afghanistan közetküchi süpitide ishtirak qildi.
yighinda uzun muddetlik yaxshi qoshnidarchiliq, dostluq we hemkarliq kélishimidin bashqa yene, shangxey hemkarliq teshkilatining 2025 – yilliq tereqqiyat istiratégiyesi boyiche edliye ministirliqliri otturisidiki hemkarliqlarni tereqqiy qildurushni öz ichige alghan uqturush imzalandi.
qirghizistan shangxey hemkarliq teshkilatining nöwetchi reislikini iyun éyida xitaydin tapshurup alghan idi.
shangxey hemkarliq teshkilati 1996 – yilida xitayning shangxey shehiride rusiye, qazaqistan, qirghizistan, xitay we tajikistanning qatnishishi bilen rayon xaraktrliq bixeterlik sahesidiki hemkarliqni nishan qilghan asasta qurulghan idi.