шаңхәй һәмкарлиқ тәшкилати әдлийә министирлири йиғини қирғизистанда чақирилди

қирғизистан шаңхәй һәмкарлиқ тәшкилатиниң нөвәтчи рәисликини ийун ейида хитайдин тапшуруп алған иди.

шаңхәй һәмкарлиқ тәшкилати әдлийә министирлири йиғини қирғизистанда чақирилди

 

түркийә авази радийоси хәвири: шаңхәй һәмкарлиқ тәшкилати әдлийә министирлири йиғини қирғизистанниң тәтил мәркизи чолпон ата шәһиридә өткүзүлди.

әдлийә министирлири йиғини қирғизистанниң вақитлиқ әдлийә министири мәқсәтбек әсәналийевниң рийасәтчиликидә чақирилған болуп, йиғинға русийә, қазақистан, өзбекистан вә таҗикистанниң әдлийә министирлири шундақла хитай вә һиндистанниң муавин әдлийә министирлири һәмдә пакистан вә қазақистанниң баш әлчилири қатнашти.

шаңхәй һәмкарлиқ тәшкилатиниң муавин баш катиби нурлан аққошқаровму қатнашқан йиғинға биларусийә, иран вә афғанистан көзәткүчи сүпитидә иштирак қилди.

йиғинда узун муддәтлик йахши қошнидарчилиқ, достлуқ вә һәмкарлиқ келишимидин башқа йәнә, шаңхәй һәмкарлиқ тәшкилатиниң 2025йиллиқ тәрәққийат истиратегийәси бойичә әдлийә министирлиқлири оттурисидики һәмкарлиқларни тәрәққий қилдурушни өз ичигә алған уқтуруш имзаланди.

қирғизистан шаңхәй һәмкарлиқ тәшкилатиниң нөвәтчи рәисликини ийун ейида хитайдин тапшуруп алған иди.

шаңхәй һәмкарлиқ тәшкилати 1996йилида хитайниң шаңхәй шәһиридә русийә, қазақистан, қирғизистан, хитай вә таҗикистанниң қатнишиши билән район характрлиқ бихәтәрлик саһәсидики һәмкарлиқни нишан қилған асаста қурулған иди.



مۇناسىۋەتلىك خەۋەرلەر