mewlüt chawushoghlu tataristanda ziyarette bolmaqta

tataristan pirézidénti rustem minnixanow türkiyening tataristangha salghan mebleghliri üchün jumhur reis rejep tayyip erdoghangha we barliq türkiye mesullirigha rexmet éytti.

mewlüt chawushoghlu tataristanda ziyarette bolmaqta

türkiye awazi radiyosi xewiri: tashqi ishlar ministiri mewlüt chawushoghlu türkiye bilen rusiye otturisidiki uchrishishlarning rayonning bixeterliki, bayashatliqi we muqimliqi üchün intayin muhimliqini éytti.

müwlüt chawushoghlu moskwadiki uchrishishlirini axirlashturup, rusiye fédératsiyege qarashliq tataristan jumhuriyitining paytexti qazanda tataristan pirézidénti rustem minnixanow bilen körüshti. uchrishishtin kéyin élan qilghan bayanatida, rusiye ziyaritining tunji békitide mensepdishi sérgéy lawrow bilen intayin ünümlük bir yighin ötküzgenlikini tekitlidi.

chawushoghlu rusiye pirézidénti wiladimir putin bilen körüshkenlikini eskertip, bu uchrishishning tolimu ünümlük ötkenlikini, rayon xaraktérliq we özara muhim témilarni muzakirileshkenlikini bildürdi.

mewlüt chawushoghlu: «ikki dölet pirézidéntiliri (yeni, putin bilen erdoghan) we bizlerning otturimizdiki alaqe munasiwetler heqiqeten her ikki döletke nisbeten muhim bolghangha oxshash rayonning bixeterliki, bayashatliqi we muqimliqi üchünmu intayin muhim» dédi.

rusiyening türkiyege nisbeten muhim bir shérik ikenlikini tekitligen chawushoghlu moskwaning arqidin qazanda ziyarette boluwatqanliqidin intayin memnun ikenlikini tilgha aldi.

tataristan pirézidénti minnixanow bolsa, türkiyening tataristangha salghan mebleghliri üchün jumhur reis rejep tayyip erdoghangha shundaqla barliq türkiye mesullirigha rexmet éytidighanliqini bildürüp, «sélinmilardin bashqa yene, nurghunlighan türkiye shirketliri oxshash bolmighan sahalerde aktip paaliyetlerni qilmaqta» dédi.

minnixanow türkiye bilen tataristan otturisdiki soda omumiy sommisining aldinqi yili %40 asqanliqini eskertip, «aldimizdiki mezgillerde, yene nurghun layihelerge birlikte imza qoyidighanliqimizgha ishinimen. bolupmu bezi mehsulatlirimizning türkiye bazirigha kirelishi üchün estayidilliq bilen xizmetlerni ishlimektimiz. bu jehette türkiyening mesul organlirining zor derijide qollap quwwetlewatqanliqini körüwatimiz» dédi.



مۇناسىۋەتلىك خەۋەرلەر