iraq türkmenliri chaqiriq élan qildi

iraq türkmen fironti reisi ershat salihi iraqtiki barliq tereplerni yéngi hökümet qurush muzakiriliride türkmenlergimu orun bérilishi kérekliki heqqide chaqiriq élan qildi.

iraq türkmenliri chaqiriq élan qildi

türkiye awazi radiyosi xewiri: irshad salihi kerkükte ötküzgen axbarat élan qilish yighinida, türkmenlerning iraq xelqning muhim terkibiy qismi ikenlikini alahide tekitlep, hökümet qurush muzakiriliride türkmenlerning nezerdin saqit qiliniwatqanliqini éytti. 

iraqta shie we suniy tereplerning hakimiyetning eng küchlük terkibiy qismi ikenlikini bildürgen irshad salihi, «telipimiz؛ hökümet qurush muzakiriliride türkmenlergimu orun bérilishidin ibarettur» dédi.

irshad salihi kerkük qatarliq talash tartishliq rayonlarning yéngi hökümet qurush sodisigha suyiistémal qilinmasliqi kéreklikinimu alahide jikilidi.

iraqta 12mayda ötküzülgen omumiy saylamdin kéyin, her qaysi siyasiy küchler yéngi birleshme hökümet qurush üchün özara muzakirilirini dawamlashturmaqta.



مۇناسىۋەتلىك خەۋەرلەر