ирақ түркмәнлири чақириқ елан қилди

ирақ түркмән фиронти рәиси әршат салиһи ирақтики барлиқ тәрәпләрни йеңи һөкүмәт қуруш музакирилиридә түркмәнләргиму орун берилиши керәклики һәққидә чақириқ елан қилди.

ирақ түркмәнлири чақириқ елан қилди

түркийә авази радийоси хәвири: иршад салиһи кәркүктә өткүзгән ахбарат елан қилиш йиғинида, түркмәнләрниң ирақ хәлқниң муһим тәркибий қисми икәнликини алаһидә тәкитләп, һөкүмәт қуруш музакирилиридә түркмәнләрниң нәзәрдин сақит қилиниватқанлиқини ейтти. 

ирақта шиә вә суний тәрәпләрниң һакимийәтниң әң күчлүк тәркибий қисми икәнликини билдүргән иршад салиһи, «тәлипимиз؛ һөкүмәт қуруш музакирилиридә түркмәнләргиму орун берилишидин ибарәттур» деди.

иршад салиһи кәркүк қатарлиқ талаш тартишлиқ районларниң йеңи һөкүмәт қуруш содисиға суйиистемал қилинмаслиқи керәкликиниму алаһидә җикилиди.

ирақта 12майда өткүзүлгән омумий сайламдин кейин, һәр қайси сийасий күчләр йеңи бирләшмә һөкүмәт қуруш үчүн өзара музакирилирини давамлаштурмақта.



مۇناسىۋەتلىك خەۋەرلەر