tajikistan bilen ezerbeyjan otturisidiki munasiwetler téximu küchiyidighan boldi

türkiye awazi radiyosi xewiri: ezerbeyjan pirézidénti ilham eliyéw tajikistan pirézidénti imam eli rehmanni resmiy murasim bilen qarshi aldi.

qarshi élish murasimida ezerbeyjan we tajikistanning dölet marshi oqulghandin kéyin ilham eliyéw bilen imam eli rehman özara we heyetlar ara muzakirilerde boldi. 

uchrishishtin kéyin ilham eliyéw bilen imam eli rehman ezerbeyjan bilen tajikistan otturisidiki hemkarliqni kücheytish kélishimi imzalidi. andin ikki dölet otturisida sélinmilar, téléwiziye tarqitishliri, chégra mudapie etritining terbiyelinishi, mal doxturluq, oqughchilarni almashturush, iqtisad, sanaet we yéngi téxnika saheliri boyiche hemkarliq kélishimi imzalandi.

imza qoyush murasimidin kéyinki qoshma axbarat élan qilish yighinida, ilham eliyéw söz qilip, bügün imzalanghan kélishimler bilen ikki dölet otturisdiki soda omumiy sommisining yuqiri kötürülidighanliqini we nurghunlighan sahalerdiki hemkarliqlarning téximu aktip halgha kültürülidighanliqini éytti.  tajikistan pirézidéntining ezerbeyjandin ötidighan yollar heqqide melumat bergenlikini bildürüp, «baku – tiflis – qars tömür yol liniyesi we alat porti tiransport üchün yéngi ewzelliklerni yaritip bermekte. tajikistandin kélidighan yüklerningmu köpiyishini ümid qilimiz we bu jehette pikir birliki hasil boldi» dédi.

tajikistan pirézidénti imam eli rehman ezerbeyjanning tashqi siyaset istiratégiyeside muhim orungha ige ikenlikini, ikki dölet otturisidiki munasiwetlerning téximu tereqqiy qilishini xalaydighanliqini tekitlidi. munasiwetlerning tereqqiy qildürülishi üchün mewjut ewzelliklerdin yaxshi paydilinishning muhimliqini tekitlep, «soda omumiy sommisining yuquri kötürülishi we her xil iqtisadi sahalerde hemkarliqning kéngiyishi üstide muzakirileshtuq. biz imzalighan kélishimler sanaet, énérgiye, qatnash, yéza igiliki we bashqa sahalerde uzun muddetlik hemkarliqning tereqqiyatigha hesse qoshidu» dédi. 

taghliq qarabagh mesilisi üstidimu toxtalghan imam eli rehman mesilining xelqara qanun tüzümliri dairiside tinch yol bilen hel qilinishini qollap - quwetleydighanliqini qeyt qildi.