türkiye özbékistan armiyesini térrorluqqa qarshi küresh üchün terbiyeleydighan boldi

türkiyening zhandarma qomandanliq ishtabida wezipe ötewatqan mutexessiler özbékistan dölet mudapie etritige térrorluqqa qarshi küresh emeliy meshq dersliri béridighan boldi.

türkiye özbékistan armiyesini térrorluqqa qarshi küresh üchün terbiyeleydighan boldi

 

türkiye awazi radiyosi xewiri: türkiyening zhandarma qomandanliq ishtabi we özbékistan dölet mudapie etriti teripidin türk hemkarliq we maslashturush idarisi «TİKA» ning qollushi bilen jizzak etrapidiki faris herbiy étish meshqi merkizide bashlanghan emeliy meshiq terbiye pirogrammisining échilish murasimi ötküzüldi.

échilish murasimida özbékistan dölet mudapie etriti mesuli shöhret gheniyéw söz qilip, yéqinqi mezgildin buyan ikki dölet otturisidiki istiratégiyelik munasiwetlerning barghanche tereqqiy qiliwatqanliqini tekitlep, bu dairide türkiye bilen özbékistan otturiisdiki herbiy munasiwetlerningmu tereqqiy qilghanliqini éytti.

 

 shöhret gheniyéw mezkur emeliy meshiq terbiye pirogrammisining özara hemkarliqning konkért ülgisi bolghanliqini, bu terbiye pirogrammisining dölet mudapiesi we herbiy küchining téximu tereqqiy qilishigha shundaqla özara tejribe almashturushqa zor töhpe qoshidighanliqini tekitlidi. 

türkiyening tashkentte turushluq elchixanisi herbiy ishlar ishxanisi mesuli polkawnik mustafa baloghlumu sözide, zhandarma qomandanliq ishtabi bilen özbékistan dölet mudapie etritining yuqiri derijilik heyetlirining özara ziyaretliri netijiside, terepler otturisidiki hemkarliqning barghanche tereqqiy qiliwatqanliqini we téximu bek tereqqiy qildurushni qollap quwwetleydighanliqini éytti. 

türk hemkarliq we maslashturush idarisi «TİKA»ning tashkentte turushluq pirogramma mudiri eli ihsan chaghlar bolsa, bu paaliyetning ötküzülishige hesse qoshalighanliqidin intayin söyüngenlikini tilgha aldi.

eli ihsan chaghlar bügünki künde dunyaning oxshash bolmighan jaylirida toqunushlarning barghanche ewj éliwatqanliqini, bundaq bir weziyette bu xil emeliy meshq terbiye pirogrammisining ishqa ashurulishining muhim ehmiyitini tekitlidi.

ming béshi ughur arslan bolsa, 2 hepte boyiche ata yurt özbékistanda kespdashliri bilen térrorluq we partlatquch maddilargha qarshi küresh emeliy meshq terbiye pirogrammisi dairiside melumat we tejribe almashturidighanliqini qeyt qildi.

türkiyedin 6 herbiy mutexessis qatnashqan emeliy meshq terbiye pirogrammisi 17awghustta axirilishidu.

 



مۇناسىۋەتلىك خەۋەرلەر