түркийә өзбекистан армийәсини террорлуққа қарши күрәш үчүн тәрбийәләйдиған болди

түркийәниң жандарма қоманданлиқ иштабида вәзипә өтәватқан мутәхәссиләр өзбекистан дөләт мудапиә әтритигә террорлуққа қарши күрәш әмәлий мәшқ дәрслири беридиған болди.

түркийә өзбекистан армийәсини террорлуққа қарши күрәш үчүн тәрбийәләйдиған болди

 

түркийә авази радийоси хәвири: түркийәниң жандарма қоманданлиқ иштаби вә өзбекистан дөләт мудапиә әтрити тәрипидин түрк һәмкарлиқ вә маслаштуруш идариси «TİKA» ниң қоллуши билән җиззак әтрапидики фарис һәрбий етиш мәшқи мәркизидә башланған әмәлий мәшиқ тәрбийә пирограммисиниң ечилиш мурасими өткүзүлди.

ечилиш мурасимида өзбекистан дөләт мудапиә әтрити мәсули шөһрәт ғәнийев сөз қилип, йеқинқи мәзгилдин буйан икки дөләт оттурисидики истиратегийәлик мунасивәтләрниң барғанчә тәрәққий қиливатқанлиқини тәкитләп, бу даиридә түркийә билән өзбекистан оттуриисдики һәрбий мунасивәтләрниңму тәрәққий қилғанлиқини ейтти.

 

 шөһрәт ғәнийев мәзкур әмәлий мәшиқ тәрбийә пирограммисиниң өзара һәмкарлиқниң конкерт үлгиси болғанлиқини, бу тәрбийә пирограммисиниң дөләт мудапиәси вә һәрбий күчиниң техиму тәрәққий қилишиға шундақла өзара тәҗрибә алмаштурушқа зор төһпә қошидиғанлиқини тәкитлиди. 

түркийәниң ташкәнттә турушлуқ әлчиханиси һәрбий ишлар ишханиси мәсули полкавник мустафа балоғлуму сөзидә, жандарма қоманданлиқ иштаби билән өзбекистан дөләт мудапиә әтритиниң йуқири дәриҗилик һәйәтлириниң өзара зийарәтлири нәтиҗисидә, тәрәпләр оттурисидики һәмкарлиқниң барғанчә тәрәққий қиливатқанлиқини вә техиму бәк тәрәққий қилдурушни қоллап қуввәтләйдиғанлиқини ейтти. 

түрк һәмкарлиқ вә маслаштуруш идариси «TİKA»ниң ташкәнттә турушлуқ пирограмма мудири әли иһсан чағлар болса, бу паалийәтниң өткүзүлишигә һәссә қошалиғанлиқидин интайин сөйүнгәнликини тилға алди.

әли иһсан чағлар бүгүнки күндә дунйаниң охшаш болмиған җайлирида тоқунушларниң барғанчә әвҗ еливатқанлиқини, бундақ бир вәзийәттә бу хил әмәлий мәшқ тәрбийә пирограммисиниң ишқа ашурулишиниң муһим әһмийитини тәкитлиди.

миң беши уғур арслан болса, 2 һәптә бойичә ата йурт өзбекистанда кәспдашлири билән террорлуқ вә партлатқуч маддиларға қарши күрәш әмәлий мәшқ тәрбийә пирограммиси даирисидә мәлумат вә тәҗрибә алмаштуридиғанлиқини қәйт қилди.

түркийәдин 6 һәрбий мутәхәссис қатнашқан әмәлий мәшқ тәрбийә пирограммиси 17авғустта ахирилишиду.

 



مۇناسىۋەتلىك خەۋەرلەر