таҗикистанда террорлуқ тәшкилати даеш сайаһәтчиләргә һуҗум қилди

тарҗикистанда велисипит билән сайаһәт қиливатқан 4 чәт әллик сайаһәтчи өлтүрүлгән һуҗумниң террорлуқ тәшкилати даеш тәрипидин елип берилғанлиқи илгири сүрүлмәктә.

таҗикистанда террорлуқ тәшкилати даеш сайаһәтчиләргә һуҗум қилди

 

түркийә авази радийоси хәвири: таҗикистан мәтбуатлири террорлуқ тәшкилати даешниң интернеттики паалийәтлирини көзитип келиватқан америка дөлитигә тәвә «SITE Intelligence Group»ни мәнбә көрсәткән хәвиридә, йәкшәнбә күни хатлон вилийитидә велисипит билән сайаһәт қиливатқан чәт әлликләргә һуҗум қилиш вәқәси йүз бәргәнлики вә һуҗумниң җавабкарлиқини террорлуқ тәшкилати даешниң өз үстигә алғанлиқи билдүрүлди. 

таҗикистан ички ишлар министири рамизан рәһимзадә түнүгүн елан қилған байанатида, вқәниң сәвәбиниң техи ениқланмиғанлиқини билдүрүп, «вәқәгә даир, қатнаш вәқәси, булаңчилиқ вә һуҗум қилиш қатарлиқ җинайәт еһтималлири бар. буниңдин башқа йәнә, террорлуқ һуҗуми болишиму мумкин» дегән иди.

таҗикистанниң хатлон вилайитидә йәкшәнбә күни йүз бәргән вәқәдә, велисипит билән сайаһәт қиливатқан чәт әлликләргә аптомобил билән қилинған вә һуҗумда 4 киши өлүп, 3 киши йаридар болған иди.

вәқәдин кейин таҗикистан сақчи хадимлири тәрипидин елип берилған һәрикәттә, һуҗум қилғучилардин 2 киши етип өлтүрүлгән вә бирси йаридар һаләттә қолға чүшүрүлгән иди.



مۇناسىۋەتلىك خەۋەرلەر