қирғизистан билән қазақистан һәрбий ахбарат саһәсидә һәмкарлиқ орнитиду

қирғизистан билән қазақистан һәрбий ахбарат саһәсидә һәмкарлиқ орнитиш нишан қилинған келишимни имзалиди.

қирғизистан билән қазақистан һәрбий ахбарат саһәсидә һәмкарлиқ орнитиду

түркийә авази радийоси хәвири:  қирғизистан баш иштаб башқармиси ахбарат васитилири мәркизиниң билдүрүшичә, қирғизистан баш иштаб башлиқи райимбәрди дуйшенбийев қирғизистанда зийарәттә болуватқан қазақистан дөләт мудапиә министири сакен җасузаков билән бир йәргә җәм болған.

оттура асийа райониниң әһвали һәққидә музакирә елип берилған учришишта, тәрәпләр ортақ бихәтәрликни қоғдаш вә икки дөләтниң қораллиқ қисимлирини тәшкил қилиш мәсилисидә өзара пикир алмаштурған.

һәрбий һәйәтләрму иштирак қилған учришишта, һәрбий вә алаһидә қисимларниң тәлим – тәрбийәси, һәрбий һәрикәт пиланлири вә һәрбий һәмкарлиқниң һәрқайси саһәлиридә паалийәтләрни қойуқлаштуруш тоғрулуқ қарар мақулланған.

учришиштин кейин қирғизистан билән қазақистан оттурисида һәрбий ахбарат саһәсидә һәмкарлиқ орнитиш нишан қилинған келишим имзаланған.

игилинишичә, җасузаков қирғизистанда дөләт ишлири зийаритидә болған қазақистанниң тунҗи дөләт мудапиә министири һесаблинидикән.



مۇناسىۋەتلىك خەۋەرلەر