özbékistan wiza tüzümige küchlük özgertish kirgüzdi

özbékistan sayahetchilikni güllendürüsh yolidiki xizmetler dairiside 101 dölet puqrasigha 5 künlük wizisiz sayahet qilish imkaniyiti yaritip berdi.

özbékistan wiza tüzümige küchlük özgertish kirgüzdi

türkiye awazi radiyosi xewiri: özbékistan pirézidénti shewket mirziyayéw, «chet el puqralirining özbékistangha kirishini qolaylashturushni mezmun qilghan» qararnamini imzalinidi. qararnamide körsitilishiche, 15 – iyuldin bashlap özbékistandiki ayrodurumlargha chüshüp üchinchi bir döletke kétidighan 101 dölet puqrasigha 5 kün boyiche wizisiz turush pursiti yaritip bérilidiken.

mezkur qararnamide yene, 16 yashtin kichik chet el puqralirigha ata – anisi yaki igidarchilik qilghuchilarning hemraliqida 90 küngiche wizisiz turush heqqi bérildi.

buningdin kéyin chet ellikler intérnét arqiliq iltimas sunup özbékistan «éléktronluq wizisi» ni alalaydu.

özbékistan mart éyida türkiye qatarliq 7 dölet puqrasigha 30 kün boyiche wizisiz turush, 39 dölet puqrasigha qolay wiza bérish tüzümini yolgha qoyghan,  shuning bilen, puqraliri özbékistanda wizisiz baralaydighan dölet sani 16 gha, wiza qolayliqi yaritip bérilgen dölet sani 51 ge chiqqanidi.

yéqindin buyanqi sayahetchilikni güllendürüsh yolida tashlanghan qedemler sayisida, bu yilning deslepki 5 éyida özbékistangha barghan chet ellik sayahetchi sani ötken yilning oxshash mezgilige sélishturghanda %93 éship, 2 milyon 200 minggha yetti.


خەتكۈچ: wiza , özbékistan

مۇناسىۋەتلىك خەۋەرلەر