түркистан йеңидин шәкиллинидиған болди

җансәйит түймәбайев түрк дунйасниң мәнивий пайтәхти болған түркистанниң йеңидин шәкилләндүрилишиниң муһим әһмийитини чүшәндүрди.

түркистан йеңидин шәкиллинидиған болди

түркийә авази радийоси хәвири: қазақистанниң түркистан өлкиси валийси җансәйит түймәбайев, пирезидент нур султан нәрәзбайев тәрипидин өлкә мәркизи елан қилинған вә 1500 йиллиқ тарихқа игә түркистан шәһириниң йеңидин шәкилләндүрүлидиғанлиқини ейтти.

қазақистанниң әнқәрәдә турушлуқ сабиқ баш әлчилики вәзиписиниму өтигән җансәйит түймәбайев, түркситан шәһиридә өткүзүлгән җәнубий қазақистан өлкисиниң түркситан өлкиси болуп өзгәртилишини вә өлкә мәркизиниң түркистан шәһиригә йөткилишини тәбрикләш мурасимида сөз қилди.

түркистан өлкиси валийси җансәйит түймәбайев қазақ ханлиқиниң мәркизи вә түрк дунйасниң мәнивий пайтәхти болған түркистан өлкисиниң йеңидин шәкилләндүрилишиниң муһим әһмийитини чүшәндүрди.

түркистан шәһиригә өлкә салаһийити бериш қарариниң чоңқур мәнигә игә икәнликини билдүрүп, «бу иҗабий қәдәм тарихий байлиқилиримизниң җанлинишини, районниң иҗтимаий вә иқтисадий әвзәлликлириниң йуқири көтүрүлишини шундақла йәрлик хәлқниң турмуш сәвийәсиниң өсүшини ишқа ашуриду. 1500 йиллиқ тарихқа игә бу шәһәр йеңи бир түскә кериду» деди.

түймәбайев пирезидент нәзәрбайевниң түркистан райониға алаһидә әһмийәт бәргәнликини тәкитләп, 1991йили пирезидентниң алаһидә көңүл болуши билән түркистанда, түркийә қазақистан хәлқара хоҗа әһмәд йәсивий университетиниң қурулғанлиқиниму әскәртти.



مۇناسىۋەتلىك خەۋەرلەر