özbékistanda tunji qétim roza héyt munasiwiti bilen kechürüm élan qilindi

özbékistan pirézidénti shewket mirziyayéw, dölet tarixida tunji qétim roza héyt munasiwiti bilen mehbuslarning kechürüm qilinishi toghrisida qararname imzalidi.

özbékistanda tunji qétim roza héyt munasiwiti bilen kechürüm élan qilindi

türkiye awazi radiyosi xewiri: pirézidént shewket mirziyayéw teripidin imzalanghan kechürüm qararnamiside körsitilishiche, sadir qilghan jinayetlirining xataliqini tonup yétip pushayman qilghan 226 mehbus kechürüm qilinidiken.

qararnamige asaslanghanda, bu dairide 102 mehbus shertsiz, 71 mehbus shertlik qoyup bérilidiken؛ 39 mehbusning qamaq jazasi bashqa bir jaza bilen almashturulup qoyup bérilidiken, 14 mehbusning jaza mudditi qisqartilidiken؛ kechürüm qilinghanlar arisida 40 neper 60 yashtin halqighanlar, 39 neper chet ellik, 37 neper ayal, 51 neper qanunsiz teshkilatlarning ezasi bar iken.

mezkur qararnamining rohigha asasen, qoyup bérilgen mehbuslarning jemiyetke maslishishi we xizmet qilalishi üchün, alaqidar idare – organlarning kéreklik yardemlerni qilishimu telep qilinghan.

özbékistanda buningdin ilgiri musteqilliq we asasiy qanun künliri munasiwiti bilen kechürüm élan qilinatti.



مۇناسىۋەتلىك خەۋەرلەر