nezerbayéw xitayda dawamlishiwatqan shangxey hemkarliq teshkilati yighinida söz qildi

qazaqistan pirézidénti nursultan nezerbayéw, astana söhbet musapisining süriyede omumiyüzlük tinchliqni kapaletke ige qilish nishanining paal wasitisi bolghanliqini éytti.

nezerbayéw xitayda dawamlishiwatqan shangxey hemkarliq teshkilati yighinida söz qildi

türkiye awazi radiyosi xewiri: qazinform xewer agéntliqining xewer qilishiche, nursultan nezerbayéw xitayning chingdaw shehiride ötküzülgen shangxey hemkarliq teshkilati bashliqlar yighinida söz qilip, asiya, afriqa, yéqin sherq we bashqa qiziq nuqtilardiki toqunushlarning siyasiy yollar bilen hel qilinishi kérekliki toghrisidiki qarishini tekrarlidi.

u, süriye söhbetlirige sahibxanliq qilghan terep süpitide mesilini hel qilish musapisini yéqindin teqip qilghanliqlirini bildürüp, «astana söhbet musapisining rusiye, türkiye we iranning aktip qollishi bilen süriyede omumiyüzlük tinchliqni kapaletke ige qilish nishanining paal wasitisi bolghanliqi körüldi» dédi.

u yene qazaqistanning koréye yérim arilining yadro qoralliridin xaliylashturulushini qollaydighanliqini bildürgendin kéyin, «dölitimiz, iranning yadro pilanigha alaqidar kélishimning tüzülüshini qollighan we uninggha hesse qoshqanidi. shuning üchün, keng dairilik ortaq heriket pilanining muhapizet qilinishi we estayidil ijra qilinishida ching turimiz» dédi.


خەتكۈچ: shangxey , nezerbayéw

مۇناسىۋەتلىك خەۋەرلەر