kerkük türkmenlirining bir aygha yéqin dawamlashqan namayishliri axirlashti

iraqning kerkük shehiridiki türkmenlerning omumiy saylamlargha hiyle arilashturulghanliqini ilgiri sürüp bashlighan namayishliri, aridin 28 kün ötkendin kéyin iraq türkmen fironti bashliqi ershat salihining chaqiriqigha asasen axirlashti.

kerkük türkmenlirining bir aygha yéqin dawamlashqan namayishliri axirlashti

türkiye awazi radiyosi xewiri: ershat salihi, iraq parlaméntining béletlerni qol bilen sanashni qarar qilghanliqini, shunga türkmenlerning namayishlirini toxtatqanliqini, türkmenlerning sadasini hökümetke anglitishqa muweppeq bolghanliqini qeyt qildi we namayishqa ishtirak qilghan türkmenlerge rehmet éytti.

kerkük türkmenliri, 12 – maydiki omumiy saylamlardin kéyin özliri topliship olturaqlashqan rayonlarda tashlighan béletlirining kord partiyelerge hésablanghanliqini ilgiri sürüp, namayish ötküzüshni bashlighan bolup, iraq bash ministiri heyder elibadi, kerküktiki saylam kirizisigha xatime bérish üchün, béletlerni qol bilen sanashni telep qilghanidi. iraq parlaméntimu 6 – iyundiki yighinida, béletlerning qaytidin qol bilen sanilishigha qarar qilghanidi.

iraq qanunlirida körsitilishiche, béletlerni qayta sanash üchün aliy saylam komissarliqining qarar chiqirishi shert. komissarliq bolsa, hazirghiche bu yönilishte héchqandaq qedem tashlimidi.


خەتكۈچ: namayish , saylam , iraq , kerkük , türkmen

مۇناسىۋەتلىك خەۋەرلەر