кәркүк түркмәнлириниң бир айға йеқин давамлашқан намайишлири ахирлашти

ирақниң кәркүк шәһиридики түркмәнләрниң омумий сайламларға һийлә арилаштурулғанлиқини илгири сүрүп башлиған намайишлири, аридин 28 күн өткәндин кейин ирақ түркмән фиронти башлиқи әршат салиһиниң чақириқиға асасән ахирлашти.

кәркүк түркмәнлириниң бир айға йеқин давамлашқан намайишлири ахирлашти

түркийә авази радийоси хәвири: әршат салиһи, ирақ парламентиниң беләтләрни қол билән санашни қарар қилғанлиқини, шуңа түркмәнләрниң намайишлирини тохтатқанлиқини, түркмәнләрниң садасини һөкүмәткә аңлитишқа мувәппәқ болғанлиқини қәйт қилди вә намайишқа иштирак қилған түркмәнләргә рәһмәт ейтти.

кәркүк түркмәнлири, 12 – майдики омумий сайламлардин кейин өзлири топлишип олтурақлашқан районларда ташлиған беләтлириниң корд партийәләргә һесабланғанлиқини илгири сүрүп, намайиш өткүзүшни башлиған болуп, ирақ баш министири һәйдәр әлибади, кәркүктики сайлам киризисиға хатимә бериш үчүн, беләтләрни қол билән санашни тәләп қилғаниди. ирақ парламентиму 6 – ийундики йиғинида, беләтләрниң қайтидин қол билән санилишиға қарар қилғаниди.

ирақ қанунлирида көрситилишичә, беләтләрни қайта санаш үчүн алий сайлам комиссарлиқиниң қарар чиқириши шәрт. комиссарлиқ болса, һазирғичә бу йөнилиштә һечқандақ қәдәм ташлимиди.



مۇناسىۋەتلىك خەۋەرلەر